Grekııadaǵy órt: Qazaqstandyqtar jazalana ma?

Foto: El.kz

Qazaqstan bıligi Grekııanyń Gıdra aralyndaǵy órtti tekserýge kómektesý týraly úndeýine jaýap bere me? Ásirese, eger áńgime yqpaldylar jaıly bolsa? Buǵan qandastar.kz kóz júgirtip shyqqan bolatyn.

«Pıreı prokýratýrasy Gıdra aralyndaǵy órtke sebep bolǵan Persefon týrıstik ıahtasynyń bortyndaǵy Qazaqstan jolaýshylaryna qatysty tergeýdi bastady. Alaıda, órt kezinde ıahta bortyndaǵy segiz adamnan turatyn top Qazaqstanǵa aıǵaq bermesten  oralǵan», — dep jazady Forbes Kazakhstan CNN Greece-ge silteme jasap.

Grekııa bıligi Qazaqstannan kómek surap otyr. Jýrnalıster alǵan qujatqa sáıkes, ıahta qonaqtarynyń  ishinde olıgarh  Danııar Ábilǵazın bar. Sondaı-aq tizimge Halyq Banki basqarmasynyń tóraıymy Úmit Shaıahmetova men olardyń otbasy músheleri de kiredi. Bul týraly tolyǵyraq «Vlast» ta  jazdy.

Grek BAQ-taryn sholyp shyqtyq, onda tergeýdiń basynda kóptegen qatelik ketkeni aıtylyp otyr.

Aqparattarǵa sáıkes, órt sóndirýshiler kemeni jalǵa alýshylardan aýyzsha jaýap alǵan. Al olar ózderiniń órtke qatysy joǵyn, reıske keshigetindigin aıtyp, ketip qalǵan.

Bul jerde qandaıda bir shara qoldaný úshin prokýrordyń aralasýy qajet edi deıdi derekkóz, atap aıtqanda, órt bastalǵan jaǵalaýda tekserý júrgizý mindetti bolǵan delinedi. Biraq kesh bolsa da, alty kún ótkennen keıin órt sóndirýshiler petardalardy, sondaı-aq ıahtadan sý bótelkelerin tapqan.

Endi grek polıııasynyń qolynda aıǵaqtar jetkilikti. Tek bir suraq bar, bizdiń bılik grekterge qol ushyn soza ma, álde…