گرۋزيا پرەزيدەنتى حالقىن ەرەۋىلگە شاقىردى

فوتو: سەرگەي بوبىلەۆ / تاسس

سالومە زۋرابيشۆيلي ەلدە وتكەن پارلامەنتتىك سايلاۋ ناتيجەسىنە قارسى شىعىپ, ونى مويىندامايتىنىن مالىمدەدى. سوڭعى مالىمەتتەر بويىنشا, ساياسي دودادا بيلىك باسىنداعى “گرۋزين ارمانى” پارتياسى جەڭىسكە جەتكەن. باستاپقى ساۋالناما ناتيجەسى ولاردىڭ 54 پايىزدان اسا داۋىس جيناعانىن كورسەتكەن, دەپ جازادى qandastar.kz atamekenbusiness_qaz-عا سىلتەمە جاساپ. 

جالپى, سايلاۋعا 18 پارتيا تۇسكەن. ونىڭ ۇشەۋى وپپوزيتسيالىق توپ. ولاردىڭ ءار قايسى 10 پايىزدان اسار-اسپاس قانا قولداۋعا يە بولعان. سوندىقتان, مەملەكەت باسشىسى سالومە زۋرابيشۆيلي “گرۋزين ارمانى” داۋىس ناتيجەسىن بۇرمالادى دەپ ايىپتاپ وتىر.

بۇل پىكىرمەن قاماۋداعى ميحايل سااكاشۆيلي دە كەلىسەدى. ەكس-پرەزيدەنت پارلامەنتكە بويكوت جاريالاپ, وتانداستارىن نارازىلىق شەرۋگە شىعۋعا شاقىردى.

«وسى ەلدەگى سوڭعى تاۋەلسىز ينستيتۋت رەتىندە مەن بۇل سايلاۋدى مويىندامايتىنىمدى ايتۋىم كەرەك. ولاردى مويىنداۋ رەسەيدىڭ گرۋزيانى باسىپ الۋىن زاڭداستىرۋمەن تەڭ بولار ەدى», – دەدى گرۋزيا پرەزيدەنتى.

ال ەۋرووداق گرۋزيادا وتكەن سايلاۋ پروتسەسىن تەرگەۋگە شاقىردى.