«گرۋزياعا قازاقستاندىقتاردى كىرگىزبەي جاتىر»: ءسىم مالىمدەمە جاسادى

گرۋزيادا قازاقستاندىقتاردى ەل اۋماعىنا كىرگىزۋدەن باس تارتۋ جاعدايى ازايدى, دەپ حابارلادى  qandastar.kz سىرتقى ىستەر ۆيتسە-ءمينيسترى الىبەك قۋانتىروۆقا سىلتەمە جاساپ. 

«باس تارتۋ سانى كۇرت ازايدى. گرۋزيا تاراپى ەستىدى, ءبىز ولارمەن جۇمىس ىستەپ جاتىرمىز», — دەدى قۋانتىروۆ.

سونىمەن قاتار گرۋزين تاراپى قازاقستاندىقتاردىڭ نەلىكتەن كەرى قايتارىلعانىن تۇسىندىرمەدى, دەدى ۆيتسە-مينيستر.

بۇعان دەيىن قازاقستاندىقتار الەۋمەتتىك جەلىدە گرۋزيا اۋەجايلارىندا پاسپورتتىق باقىلاۋدان ءوتۋ كەزىندە قيىندىقتارعا تاپ بولعانىن ايتىپ شاعىمدانعان بولاتىن. ولاردان ۇزاق جاۋاپ الىنعان, سودان كەيىن كەيبىرەۋىنە ەلگە كىرۋگە تىيىم سالىنعان.

ال ءسىم وكىلدەرى قازاقستان ازاماتتارىنىڭ باسىم بولىگى گرۋزياعا تۋريستىك ماقساتپەن باراتىنىن جانە قابىلداۋشى ەلدىڭ زاڭناماسىن بەرىك ساقتايتىنىن اتاپ ءوتتى.

گرۋزيا تاراپى بيىلعى جىلدىڭ مامىر ايىنىڭ باسىنان بەرى گرۋزياعا كىرۋدەن باس تارتۋ جاعدايى ايتارلىقتاي ازايعانى تۋرالى حابارلادى جانە بۇل ءۇردىس الداعى ۋاقىتتا دا جالعاسادى دەپ سەندىردى.