Grýzııanyń eks-prezıdenti Mıhaıl Saakashvılı 9 jylǵa sottaldy

Foto/ Irakli Gedenidze

Grýzııanyń eks-prezıdenti Mıhaıl Saakashvılı 9 jylǵa sottaldy, dep jazdy qandastar.kz

Tbılısı qalalyq soty Grýzııanyń burynǵy prezıdenti Mıhaıl Saakashvılıdi memleket bıýdjetin jymqyrǵany úshin kináli dep taýyp, ony toǵyz jylǵa bas bostandyǵynan aıyrý týraly úkim shyǵardy. Sot tergeý nusqasy boıynsha, Saakashvılı prezıdent bolyp turǵan kezinde memlekettik bıýdjetten shamamen 9 mıllıon ları (shamamen 1,58 mlrd teńge) mólsherinde aqshany lıýks zattarǵa jumsaǵan, onyń ishinde kostıýmder men pıdjaktar, qymbat qonaq úıler, SPA qyzmetteri bar.

atamekenbusiness_qaz habarlaǵandaı,  Saakashvılı bul shyǵyndardyń prezıdenttiń resmı mindetterimen baılanysty ekenin málimdedi. Jalpy eks-prezıdent aıyptaýlardy qabyldamaı, is saıası motıvpen júrgizilgenin aıtty. Ol qazir basqa ister boıynsha alty jyldyq jaza merzimin ótep jatyr. Mıhaıl Saakashvılı 2004-2013 jyldar aralyǵynda Grýzııa prezıdenti boldy.