جاڭالىقتار
گۇل سەكىلدى ەسىرتكى وسىرگەن. ۇيىندە تىيىم سالىنعان وسىمدىك وسىرگەن وسكەمەندىك ۇستالدى
شىعىس قازاقستان وبلىسى تۇرعىنى ۇيىندە ەسىرتكى وسىرگەن, دەپ حابارلايدى qandastar.kz ALASH.KZ-كە سىلتەمە جاساپ.
ارنايى جابدىقتالعان بولمەنىڭ فيتولابوراتوريا بولعانى انىقتالدى.
كۇدىككە ىلىنگەن تۇرعىن بولمەدە قاراسورا بۇتاقتارىن وسىرگەن دەگەن مالىمەت بار. تاركىلەنگەن وسىمدىكتەردىڭ جالپى سالماعى 250 گرامنان استى. اتالعان فاكتى بويىنشا قىلمىستىق ءىس قوزعالدى. كۇدىكتى ەكى جىلعا دەيىنگى مەرزىمگە باس بوستاندىعىنان ايىرىلۋى مۇمكىن.
قۇقىق قورعاۋ ورگاندارى ەسىرتكى زاتتارىن قولدانۋ مەن تاراتۋدىڭ زياندى سالدارى تۋرالى ەسكەرتەدى جانە ازاماتتاردى سالاۋاتتى ءومىر سالتىن ۇستانۋعا, قوعامدىق ومىرگە بەلسەندى ارالاسۋعا شاقىرادى.
«ەگەر سىزگە ەسىرتكى قۇرالدارىنىڭ زاڭسىز اينالىمىنا قاتىستى قانداي دا ءبىر اقپارات بەلگىلى بولسا, 102 ارناسىنا حابارلاۋىڭىزدى سۇرايمىز», — دەلىنگەن وبلىستىق پد حابارلاماسىندا.
