Gúl sekildi esirtki ósirgen. Úıinde tyıym salynǵan ósimdik ósirgen óskemendik ustaldy

Shyǵys Qazaqstan oblysy turǵyny úıinde esirtki ósirgen, dep habarlaıdy  qandastar.kz ALASH.KZ-ke silteme jasap.

Arnaıy jabdyqtalǵan bólmeniń fıtolaboratorııa bolǵany anyqtaldy.

Kúdikke ilingen turǵyn bólmede qarasora butaqtaryn ósirgen degen málimet bar. Tárkilengen ósimdikterdiń jalpy salmaǵy 250 gramnan asty. Atalǵan fakti boıynsha qylmystyq is qozǵaldy. Kúdikti eki jylǵa deıingi merzimge bas bostandyǵynan aıyrylýy múmkin.

Quqyq qorǵaý organdary esirtki zattaryn qoldaný men taratýdyń zııandy saldary týraly eskertedi jáne azamattardy salaýatty ómir saltyn ustanýǵa, qoǵamdyq ómirge belsendi aralasýǵa shaqyrady.

«Eger sizge esirtki quraldarynyń zańsyz aınalymyna qatysty qandaı da bir aqparat belgili bolsa, 102 arnasyna habarlaýyńyzdy suraımyz», — delingen oblystyq PD habarlamasynda.