مادەنيەت
«گۇلدەر» انسامبلىنە 55 جىل تولدى
فوتو: مينيسترلىك
روزا باعلانوۆا اتىنداعى «قازاقكونتسەرت» مەملەكەتتىك اكادەميالىق كونتسەرتتىك ۇيىمىنىڭ «گۇلدەر» ءانسامبلىنىڭ 55 جىلدىق مەرەيتويىنا ارنالعان گالا-كونتسەرتى ءوتتى, – دەپ حابارلايدى qandastar.kz
كونتسەرت باعدارلاماسىندا ارنايى ازىرلەنگەن ەكسكليۋزيۆتى اسپاپتىق-حورەوگرافيالىق قويىلىمدار مەن جاڭا حورەوگرافيالىق كومپوزيتسيانىڭ تۇساۋكەسەرى, اۆتورلىق اندەر, تانىمال ارتىستەرمەن ۇتىمدى كوللابوراتسيا جانە كلاسسيكالىق ونەردىڭ جاڭا ينتەرپرەتاتسياسى ۇسىنىلدى.
ءىس-شاراعا قازاقستاننىڭ حالىق ءارتىسى, قازاق ەستراداسىنىڭ جارىق جۇلدىزى روزا رىمباەۆا, قازاقستاننىڭ ەڭبەك سىڭىرگەن ءارتىسى ايجان نۇرماعامبەتوۆا, قازاقستاننىڭ ەڭبەك سىڭىرگەن قايراتكەرى ايگۇل ەلشىباەۆا سەكىلدى بىرقاتار ونەرپاز ونەر كورسەتتى.
