Gúlmıra Ábiqaı: Zorlyq-zombylyq jaǵynan qalyspaımyz, tırandar endi óziniń týǵan qyzdaryna kóshti

Vıdeo: skrın

Áleýmettik jelide kishkentaı qyzyn taıaqpen qorqytqan 41 jastaǵy qyrǵyz azamatynyń áreketi jurttyń úreıin týdyrdy, dep jazdy qandastar.kz

Vıdeony jýrnalıst Gúlmıra Ábiqaı óziniń áleýmettik paraqshasynda jarııalady.

«Birtýǵan qazaq pen qyrǵyz qatygezdik, zorlyq-zombylyq jaǵynan bir-birinen qalysar emes. Qyrǵyzstanda da áıeldi ólimshi etip sabaý, qulaq-murnyn kesip alý, uryp óltirý údep keledi. Endi tırandar óziniń týǵan qyzdaryna kóshti.

Oqıǵa kórshi eldiń Nooken aýmaǵynda bolǵan. Áıelin uryp-soǵyp qýyp jibergen myna ákesymaq qaıtpasań qyzdy uramyn dep qoqan-loqy jasap vıdeo jibergen. Polıııa 41 jastaǵy erkekti qamaǵanyn estip ýh dedim. Bul vıdeoda myna kishkentaı qyzdyń baýyryn aıadym. Shamamen, 8-9 jasar ul bala ishteı tistenip, ákesine qoı deýge bata almaı, jastyqty betine jaýyp, búk túsip artynda jatyr», — dep jazdy jýrnalıst.