جاڭالىقتار
گۇلميرا ساتىبالدى سوتى: كۋاگەرلەر كەيىن قايتىس بولعان ماسكۇنەمنىڭ اتىنا كومپانيا قالاي تىركەلگەنىن ايتتى
الماتىدا گۇلميرا ساتىبالدىعا قاتىستى سوت پروتسەسى جالعاسىپ جاتىر. Baur Kazakhstan ۇيىمىنىڭ بۇرىنعى زاڭگەرى دىنمۇحامەد ءجۇمادىلدا بۇگىن سوتتا جاۋاپ بەردى,-دەپ حابارلايدى Qandastar.kz
سوتتا كۋاگەر Baur Kazakhstan اق قۇرامىنداعى BAUR Development Group جشس (قۇرىلتايشىلارى گۇلميرا ساتىبالدى مەن جابىرلەنۋشى اباي ءجۇنىسوۆ بولعان كومپانيا – رەد. ەسكەرتپەسى) مۇقاشەۆتىڭ اتىنا قالاي وتكەنىن ايتىپ بەردى. بۇعان دەيىن سەرىكتەستىكتىڭ ديرەكتورى نۇرلان دوسقالي بولعان. «2020 جىلعى جەلتوقساندا نۇرلان دوسقالي ماعان حابارلاسىپ, BAUR Development Group كومپانياسىمەن حات الماسقانىن, مامىلە بويىنشا بىرگە بارۋىمدى سۇرادى. نوتاريۋس وفيسكە كەلسىن دەدىم.
سول كەزدە مۇقاشەۆ بەلگىسىز ەكى اداممەن كەلدى. سوسىن ولار «مىنە – ساتىپ الۋشى» دەپ ونىڭ جەكە كۋالىگىن الىپ, نوتاريۋسقا اپارىپ, كەلىسىمشارتقا سول جەردە قول قويدى», – دەدى كۋاگەر. سونىمەن قاتار كۋاگەر BAUR Development Group كومپانياسىن ناقتى كىم باسقارعانىن بىلمەيدى. بۇدان كەيىن جابىرلەنۋشىنىڭ وكىلى كۋاگەردىڭ مۇقاشەۆتىڭ بۇرىن سوتتالعانىن جانە ۇزاق مەرزىمگە جازاسىن وتەگەنىن, سونداي-اق ناقتى تۇرعىلىقتى جەرى جوق ەكەنىن بىلە مە, جوق پا دەپ سۇرادى. ءجۇمادىلدا مۇقاشەۆتىڭ سوتتىلىعى تۋرالى مەن كەيىنىرەك ءبىلدىم دەيدى. «ول كەڭسەگە كەلگەندە, ۇقىپتى جيناقى كيىممەن بولدى.
ەشقانداي كۇدىك تۋعىزبادى. كەيىن ونىڭ بازادا تۇرعانىن ءبىلدىم», – دەپ جاۋاپ بەردى. ولار مۇقاشەۆ تۋرالى وتكەن سوت وتىرىسىندا ءسوز ەتكەن.
ودان كەيىن 2014 جىلدان بەرى Baur Kazakhstan قۇرامىنا كىرەتىن كومپانيالاردا ءتۇرلى لاۋازىمداردى اتقارعان كۋاگەر تالانت ەرماحاننان ءولىمى تۋرالى ايتتى. كۋاگەر مۇقاشەۆقا وندىرىستىك بازادا توسەك دايىنداپ بەرۋ تۋرالى تاپسىرما بەرىلگەنىن ايتتى. «وسىعان دەيىن دە بازادا ءبىر-ەكى رەت بولدىم, وعان دوسقالي نۇرلاننىڭ اتىنان تاماق بەردىم دە, ءبىر ايعا جۋىق ۋاقىت وتكەن سوڭ مەن ونى نوتاريۋسكە اپارىپ كەلدىم. قايتادان بازاعا اپاردىم.
مۇقاشەۆپەن بىرگە تاعى ءبىر ادام بار ەدى, ەكەۋى دە ماسكۇنەمدىككە بەيىم جانە ءجيى ىشەتىن ادامدار ەكەنى مەنى تاڭعالدىرعان ەدى. ارادا 1-2 كۇننەن كەيىن قويما مەڭگەرۋشىسى باۋىرجان مومىشەۆ تەلەفون سوعىپ, مۇقاشەۆتىڭ اۋىرىپ جاتقانىن ايتتى.
ەكى ساعاتتان كەيىن ماعان نۇرلان دوسقاليدىڭ ءوزى تەلەفون سوعىپ, مۇقاشەۆتىڭ قايتىس بولعانىن حابارلادى.
مەن قالا سىرتىندا بولدىم, كەلە المايتىنىمدى ايتتىم. ارتىنشا مومىشەۆ ءجۇمادىلدانىڭ كەلگەنىن (ول كەزدە Baur Kazakhstan ادۆوكاتى – اۆتوردىڭ ەسكەرتپەسى) جەدەل جاردەم كۇتىپ تۇرعانىن ايتتى. ارى قاراي بىلمەيمىن», – دەيدى تالانت ەرماحان.
كۋاگەرگە سۇراق قويعان جابىرلەنۋشىنىڭ وكىلى نوتاريۋسقا بارعان كەزدە مۇقاشەۆ BAUR Development Group كومپانياسىنىڭ ديرەكتورى بولعانىن اتاپ ءوتتى. مۇقاشەۆتىڭ ءوزى بۇعان دەيىن ءىستى بولىپ, 10 جىلدان استام مەرزىمگە سوتتالعان. كۋاگەر بۇل تۋرالى ەشتەڭە بىلمەيتىنىن ايتتى.
