گۇلميرا ساتىبالدىعا تاعى ءبىر ايىپ تاعىلدى

فوتو: ۆيدەودان كادر

وليگارح قايرات ساتىبالدىنىڭ بۇرىنعى جۇبايى گۇلميرا ساتىبالدى تاعى ءبىر قىلمىستىق ءىس بويىنشا كۇدىكتى دەپ تانىلدى, دەپ حابارلايدى qandastar.kz

بەلگىلى بولعانداي گۇلميرا ساتىبالدى تۇرعىن ءۇي كەشەنىنىڭ قۇرلىسى كەزىندە زاڭسىز ارەكەتتەرگە باردى دەپ كۇدىكتەلۋدە.

«سىبايلاس جەمقورلىققا قارسى قىزمەت ساتىبالدى گ.ك. مەن باسقا دا تۇلعالارعا قاتىستى Vostochka كوپفۋنكتسيونالدى تۇرعىن ءۇي كەشەنىنىڭ قۇرىلىسى بارىسىندا زاڭسىز ارەكەتتەر جاساۋ فاكتىسى بويىنشا قىلمىستىق ءىستى تەرگەپ جاتىر», – دەلىنگەن سىبايلاس جەمقورلىققا قارسى ءىس-قيمىل اگەنتتىگىنىڭ حابارلاماسىندا.

ەسكە سالساق, وسىعان دەيىن نازارباەۆتىڭ ەكس-كەلىنى گۇلميرا ساتىبالدىعا سوت ۇكىمى شىققان ەدى. الماتىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى گۇلميرا ساتىبالدىعا 12 جىلعا باس بوستاندىعىنان ايىرۋ جازاسىن تاعايىنداعان.

گۇلميرا ساتىبالدىعا قىلمىستىق كودەكستىڭ ءۇش بابى بويىنشا قۇقىق بۇزۋشىلىق جاسادى دەگەن ايىپ تاعىلعان. گۇلميرا ساتىبالدىنىڭ بۇرىنعى كۇيەۋ بالاسى اباي ءجۇنىسوۆ ونىڭ نۇسقاۋىمەن 2019 جىلدىڭ 13 اقپانىنان شىلدەسىنە دەيىن التى اي بويى ءوز ەركىنەن تىس ۇيقاماقتا ۇستالعانىن ايتىپ, سوتقا جۇگىنگەن. سونىمەن قاتار ول قايرات ساتىبالدىنىڭ بۇرىنعى ايەلىن ولاردىڭ ورتاق بيزنەسى – Baur Kazakhstan اق اكتيۆتەرىن تارتىپ الدى دەپ ايىپتاعان.