Gúlnara Kárimovanyń 182 mln dollar aktıvi О́zbekstanǵa qaıtarylady

Foto:Ulysmedia.kz kollajy

Shveıarııa men О́zbekstan Gúlnara Kárimovanyń tárkilengen aktıvterin qaıtarý týraly kelisimge qol qoıdy, dep habarlaıdy qandastar.kz

Ulysmedia.kz.jazǵandaı,  О́zbekstannyń ádilet mınıstrliginiń málimetinshe, 6 aqpanda qol qoıylǵan kelisim aıasynda 182 mıllıon dollar kólemindegi qarajat Shveıarııadan О́zbekstanǵa aýdarylady. Bul qarajat áleýmettik mańyzy bar jobalarǵa jumsalady.

— Qarajat О́zbekstannyń jekelegen azamattary tarapynan zańsyz jolmen alynǵan jáne 2012 jyly Shveıarııanyń Bas prokýratýrasy Gúlnara Kárimovaǵa qatysty qylmystyq is aıasynda tolyǵymen tárkilengen, – dep málimdedi О́zbekstannyń Ádilet mınıstrligi.

Gúlnara Kárimova — О́zbekstannyń tuńǵysh prezıdenti Islam Karımovtyń úlken qyzy. 2013 jyldan bastap Gúlnara Kárimovaǵa qatysty sybaılas jemqorlyq jáne aqshany jylystatý aıyptary boıynsha tergeýler júrgizildi. 2015 jyly ol urlyq jáne bopsalaý aıyptary boıynsha 5 jylǵa bas bostandyǵyn shekteý jazasyna kesildi. 2017 jyly jańa aıyptar taǵylyp, 10 jylǵa bas bostandyǵynan aıyryldy, keıin bul jaza 5 jylǵa úıqamaqqa aýystyryldy. 2019 jyly úıqamaq sharttaryn buzǵany úshin jalpy rejımdegi kolonııaǵa aýystyryldy. 2020 jyly Tashkent qalalyq soty ony qastandyq, bopsalaý, ysyrap etý jáne aqshany jylystatý sııaqty aıyptar boıynsha 13 jyl 4 aıǵa bas bostandyǵynan aıyrdy.

2024 jyldyń jeltoqsanynda Gúlnara Kárimova Tashkent oblysynyń Zangıata aýdanyndaǵy áıelder kolonııasynan sol aýdannyń kolonııa-qonysyna aýystyryldy.

Shveıarııa prokýratýrasy Gúlnara Kárimovany halyqaralyq qylmystyq uıymdy basqardy jáne aqshany jylystatty dep aıyptady.