گۇلشارا ابدىقالىقوۆانى «حاننىڭ قىزى» دەگەن بلوگەر سوتتالىپ كەتتى

قىزىلوردا وبلىسىنىڭ اۋداندىق سوتى بلوگەر ساندۋعاش تۇرلىبەكوۆانى بوپسالاۋ فاكتىلەرى بويىنشا 4,8 جىلعا باس بوستاندىعىنان شەكتەدى, دەپ حابارلايدىqandastar.kz اقپارات پورتالى Azattyq Rýhy -نا سىلتەمە جاساپ.

سوت سونداي-اق وعان وسى ارالىقتا الەۋمەتتىك جەلىگە كىرۋگە تىيىم سالدى.

ايتا كەتەيىك, ساندۋعاش تۇرلىبەكوۆا 2020 جىلى قىزىلوردا وبلىسىنىڭ سول كەزدەگى اكىمى گۇلشاراابدىقالىقوۆانى «حاننىڭ قىزى» دەپ اتاعان ەدى. ويتكەنى, ابدىقالىقوۆا ايماقتاردى ارالاپ جۇرگەن كەزدە جولدى جاپقان ەدى.

ساندۋعاش تۇرلىبەكوۆا ارادا ءتورت جىل وتكەندە قولعا تۇسكەن. تەرگەۋ انىقتاعانداي, ول الەۋمەتتىك جەلىدە بەلگىلى ءبىر لاۋازىمدى اتقارىپ وتىرعان ادامدارعا قاتىستى سىني پوست جازعان. جازبالارىن ءوشىرۋ ءۇشىن سول ادامداردان اقشا تالاپ ەتكەن.

تۇرلىبەكوۆانىڭ ۇستىنەن باس-اياعى سەگىز ادام وسى باپ بويىنشا ارىزدانعان ەكەن. الايدا, التى ادام كەلىسىمگە كەلىپ, ارىزدارىن قايتىپ العان. ەكى ادام ءىستى سوتقا جەتكىزىپ, تۇرلىبەكوۆانىڭ اقشا بوپسالاعانىن دالەلدەگەن.

اۋداندىق سوت بلوگەر ايەلدى 4,8 جىلعا باس بوستاندىعىنان شەكتەپ, الەۋمەتتىك جەلىگە كىرۋگە تىيىم سالدى. مورالدىق شىعىن رەتىندە تۇرلىبەكوۆا ولارعا جالپى سوماسى 300 مىڭ تەڭگە تولەۋى كەرەك.

سوتتىڭ شەشىمى كۇشىنە ەنگەن.