Jańalyqtar
«Gýmanıtarlyq kómek – ekijaqty nárse»: «Dala qyrandary» birlestiginiń úılestirýshisi tasqynnan zardap shekkenderge qajet zattardy atady
At basyna kún týsa, aýyzdyqpen sý isher, er basyna kún týsa, etigimen sý kesher demekshi bıylǵy kóktem erler men eriktiler úshin ońaı bolmaı tur. Elimizdiń kóp óńirin sý basqaly beri erlerimiz belýardan sý keship, kómekke bilek sybana kirisip júr. Solardyń biri «Dala qyrandary» jastar qoǵamdyq birlestiginiń músheleri. «Qasqa Jol» ıýtýb-arnasy óziniń kezekti bólimin dál osy birlestiktiń jigitterine arnady. Mereı Aqshalov, Ashat Dilmuhamedov, Nurhat Orash bastaǵan úılestirýshiler sý tasqynyna qatysty biraz máseleniń túıinin tarqatty
Sózdiń basyn Beıjin Olımpaıadsynyń qatysýshysy Mereı Aqshalov bastady.
«Sý tasqyny kezinde Qoıandyǵa bardym. Men barǵan ýaqytta qar endi erip jatty. Erigen qar sýy úıge kirmese de aýmaqtardy alyp jatyr eken. Sol qardy arshydyq».
Mereıdiń sózin «Dala qyrandary» birlestiginiń úılestirýshisi Nurhat Orash jalǵady. Aıtýynsha, basynda Qoıandyǵy kómekke barǵan jigitter ári qaraı qol ushyn Jibek Joly halqyna sozǵan.
«Qoıandyǵa barǵanda sý tizeden kelip jatty. Sol sý ortalyq kósheni de basyp jatyr. Qys boıy jalǵyzbasty jáne múgedek qarııalar, analar ýaqytyly qardy shyǵara almaı sýda qalǵan. Astanada sol kezderi qatty jylyný boldy. Qapyl erigen kezde onyń bári úılerge kiretin edi. Biz sonyń aldyn alý úshin qolymyzǵa kúrek alyp Qoıandyny qardan tazaladyq. Jastarymyz qardy sýdyń ketip jatqan arnasyna tastady. Osynyń arqasynda birneshe úı sý basýdan aman qaldy. Bul qyrandar úshin de alǵashqy tájirıbe boldy. Osydan keıin biz Taıtóbege bardyq. Ol jaqta jaǵdaı kúrdeli edi. Qapshyqpen qum tasýǵa týra keldi. Odan keıin jigitterimiz Jibek Jolyna bardy. Osy jerde bizdi qýantqan bir jaıt bar. Alǵashqy kúnderi ózimiz jáne jergilikti halyq pen ákimdik shapqylaǵan bolsa keıinnen memleket tarapynan úlken qoldaý boldy. Memleket tórt júzge jýyq ásker jiberip, jaǵdaıdy nazardan tys qaldyrmady».
Osy oraıda qol ushyn sozyp, halyqtyń janynan tabylǵan Nurhat Orash gýmanıtarlyq kómekke keńirek toqtaldy. Sózinshe kerek te, kerek emes te dúnıeler bar.
«Gýmanıtarlyq kómek – ekijaqty nárse. Qazir kómek retinde kóptep azyq-túlik baryp jatyr. Biraq onyń bári halyqqa úıleri qalpyna kelgen soń ǵana qajet bolady. Evakýaııalyq pýnkte otyrǵan halyq unnan nan pisire almaıdy. Biz hardap shekken óńir halqymen baılanystamyz. Olarǵa qazir eń keregi – úrmeli qaıyq. Ekinshi dúnıe – balyqqa shyǵatyn adamdar kıetin rezeńke etik. Sebebi sý deńgeıi joǵary. Úshinshisi – dári-dármek. Odan keıin qutqarý jıletteri jáne alysty alatyn shamdar. Polıetılen paketteri de taptyrmaıtyn zat. Olar barrıkada jasaýǵa kerek. Biz osy zattardy shtabta qarastyryp jatyrmyz. Jigitter Oralǵa baratyn kezde ózderimen birge ala ketedi».
Mereı Aqshalovtyń aıtýynsha, qyrandardyń qataryna qosylǵysy keletin ár adamǵa esik ashyq.
«Bizge qosylǵysy keletinderge árqashan esik ashyq. Biz qandaı da bir jerge barar aldynda vıdeoúndeý jasaımyz. Geıdar Alıev, 14 kóshesinde óz shtabymyz bar. Vıdeoúndeýdi kórip kelip jatqan adamdar joq emes».
Mereıdiń sózin tolyqtyrǵan Nurhattyń aıtýynsha, olar qataryna qosylǵan ár adamnyń qaýipsizdigine jaýapty.
«Kez kelgen kómek bergisi keletin adam tirkele alady. Shtabta olardy oqytýdan ótkizedi. О́ıtkeni tótenshe jaǵdaı kezinde ózin qalaı ustaýdy úırenýi kerek. Sodan keıin baryp qana biz ol adamdardy qatarymyzǵa qosa alamyz. Sebebi jaýapkershilik degen dúnıe bar. Budan bólek úılestirý jumystaryn júrgizip, árkim óz ornyn belgilep aldy. Birimiz TJD-men baılanysta bolsaq, birimiz qyrandardyń kelip-ketýin qamtamasyz etip otyrmyz. Qazir biz jumys júıesin quryp aldyq».
London Olımpıadasynyń qatysýshysy Ashat Dilmuhamedovtiń sózinshe, qyrandar tabıǵı apat jaqyn Oral qalasyna attanǵaly otyr eken.
«Astananyń mańaıy biz úshin kishigim tájirıbe boldy. Barlyǵymyzǵa málim Oralǵa úlken sý kele jatyr. Sol úshin komandanyń jartysy bolyp Oral qalasyna attanǵaly otyrmyz».
Nurhat Orash Oraldaǵy úlken sýǵa qarsy kómek bara jatqanyn aıtty. Olardyń qatarynda el namysyn qorǵap júrgen sportshylarymyz da bar eken.
«Biz ár sport federaııasyna úndeý tastadyq. Sporshylar bolyp Oral qalasyna baryp kómek kórseteıik degen oı aıttyq. Ony estigen sportshylar óz kómekterin kórsetýge daıyn ekenderin jetkizdi. Alǵashqy 30 adam Astanadan shyǵady. Ońtústik aımaqtyń sportshylary óz kúshterimen Oralǵa barady. Qazir ol jaqqa jumys kúshi aýadaı qajet».
