«حابار» ارناسىن داۋعا قالدىرعان باعدارلاما: «بىراق» توك-شوۋىنىڭ كەيىپكەرى استانادان پاتەرگە يە بولدى

فوتو: اشىق دەرەككوز

حابار ارناسىنداعى داۋعا اينالعان «بىراق» توك-شوۋىنىڭ كەيىپكەرى گۇلميرا سمايلوۆا استانادان ءۇش بولمەلى پاتەرگە يە بولدى. بۇل تۋرالى جۋرناليست راحىم وشاقباەۆ ءوزىنىڭ ءىnstagram پاراقشاسىندا جاريالادى, – دەپ حابارلايدى aikyn.kz

جۋرناليست جاريالاعان ۆيدەودان التى بالانىڭ اناسى, تۇرمىستىق زورلىق-زومبىلىقتان زارداپ شەككەن گۇلميرا سمايىلوۆاعا استانادان ءۇش بولمەلى پاتەر بەرىلىپ, ونىڭ كوزىنە جاس العانىن كورۋگە بولادى.

ايەل قول ۇشىن سوزعان قازاقستاندىقتارعا العىس ايتتى.

باسپاناعا قارجى جيناۋ ءۇشىن اشىلعان قايىرىمدىلىق شاراسى 2-3 اپتاعا سوزىلىپ, 500-دەن استام ادام قاتىسقان. بۇل – «قورعاۋ استانا» داعدارىس ورتالىعىنىڭ 19 جىل جۇمىسىنداعى العاشقى جاعداي.

ەسكە سالساق, 2024 جىلدىڭ ناۋرىز ايىندا گۇلميرا سمايىلوۆا «حابار» تەلەارناسىنداعى تۇرمىستىق زورلىق-زومبىلىق تۋرالى «بىراق» توك-شوۋىنا قاتىسقان ەدى. باعدارلاما ۇجىمى گۇلميرانىڭ رۇقساتىنسىز تىكەلەي ەفيرگە كەيىپكەردىڭ بۇرىنعى كۇيەۋىن الىپ كەلىپ, تاتۋلاسۋعا شاقىرعان. ايەلدى ۇزاق جىلدار بويى زورلىق-زومبىلىق كورگەن بۇرىنعى كۇيەۋىمەن تاتۋلاستىرماق بولعان جۋرناليستەردىڭ ارەكەتى حالىقتىڭ اشۋىن تۋدىردى. كەيىننەن مادەنيەت جانە اقپارات مينيسترلىگى قوعام نارازىلىعىنان سوڭ «بىراق» توك-شوۋىنىڭ جابىلاتىن مالىمدەدى.