«Habar» arnasyn daýǵa qaldyrǵan baǵdarlama: «Biraq» tok-shoýynyń keıipkeri Astanadan páterge ıe boldy

Foto: ashyq derekkóz

Habar arnasyndaǵy daýǵa aınalǵan «Biraq» tok-shoýynyń keıipkeri Gúlmıra Smaılova Astanadan úsh bólmeli páterge ıe boldy. Bul týraly jýrnalıst Rahym Oshaqbaev óziniń Instagram paraqshasynda jarııalady, — dep habarlaıdy aikyn.kz

Jýrnalıst jarııalaǵan vıdeodan alty balanyń anasy, turmystyq zorlyq-zombylyqtan zardap shekken Gúlmıra Smaıylovaǵa Astanadan úsh bólmeli páter berilip, onyń kózine jas alǵanyn kórýge bolady.

Áıel qol ushyn sozǵan qazaqstandyqtarǵa alǵys aıtty.

Baspanaǵa qarjy jınaý úshin ashylǵan qaıyrymdylyq sharasy 2-3 aptaǵa sozylyp, 500-den astam adam qatysqan. Bul – «Qorǵaý Astana» daǵdarys ortalyǵynyń 19 jyl jumysyndaǵy alǵashqy jaǵdaı.

Eske salsaq, 2024 jyldyń naýryz aıynda Gúlmıra Smaıylova «Habar» telearnasyndaǵy turmystyq zorlyq-zombylyq týraly «Biraq» tok-shoýyna qatysqan edi. Baǵdarlama ujymy Gúlmıranyń ruqsatynsyz tikeleı efırge keıipkerdiń burynǵy kúıeýin alyp kelip, tatýlasýǵa shaqyrǵan. Áıeldi uzaq jyldar boıy zorlyq-zombylyq kórgen burynǵy kúıeýimen tatýlastyrmaq bolǵan jýrnalısterdiń áreketi halyqtyń ashýyn týdyrdy. Keıinnen Mádenıet jáne aqparat mınıstrligi qoǵam narazylyǵynan soń «Biraq» tok-shoýynyń jabylatyn málimdedi.