«Haıp qýalaǵandardyń suraǵy»: Qanat Bozymbaev jýrnalıstiń suraǵyn jaqtyrtpaı qaldy

Foto: primeminister.kz

Úkimet otyrysynda premer-mınıstrdiń orynbasary Qanat Bozymbaevqa jýrnalıster tarapynan kelesi jyly taǵy da sý tasqyny bolsa, onda otstavkaǵa ketýge daıyn ba degen suraq qoıyldy. Bozymbaev suraq durys bolǵanda ǵana, durys jaýap beretinin jetkizdi, dep habarlaıdy Skifnews.kz aqparat portaly. 

“Qandaı suraq qoıylsa, sondaı jaýap alasyzdar. Suraqty durystap qoısańyzdar, men de durystap jaýap beremin. Haıp qýalaǵan suraq. «Kelesi jyly sý tasqyny bolsa, jumystan ketesiz be?» degen ne sóz? Kelesi jyly aýa temperatýrasy qandaı bolatyny, jaýyn-shashynnyń qandaı bolaryn kim boljaı alady? Mundaı boljam joq. Boldy. Ony eshkim aıta almaıdy.

Men uzaq jyl úkimette jumys istep, talaı jýrnalıstermen aralastym. Taqyryp boıynsha sapaly suraqtar qoıyńyzdar, haıp qýalaǵan suraqtaryńyzǵa laıyqty jaýabyn alasyzdar», – dedi premer-mınıstrdiń orynbasary.