«Haıp úshin»: Narkenje Serikbaeva fılarmonııa basshysymen ne sebepten tatýlasqanyn aıtty

Dástúrli ánshi Narkenje Serikbaeva óziniń Instagram-daǵy paraqshasynda ózi qysym kórgen basshysymen ne sebepti tatýlasqanyn aıtyp berdi, dep habarlaıdy Qandastar.kz aqparat portaly.

Onyń aıtýynsha, kózinen shyqqan ystyq jas ishki jan aıqaıy.

«О́mirge saýal!

Qaıyrly kesh janashyrlarym!
3 kúnnen beri bolyp jatqan jaǵdaılardan habardarsyzdar. Bosqa jylap upaı jınaıtyn men emes. Kózimnen shyqqan jas ol meniń ishki jan aıqaıym. Álsiz jaratylyspyn. Áleýmettik jelidegi ár túrli aıtylyp jatqan synı pikirlerdi de qoldaý hattardy da birin qaldyrmaı oqyp otyrmyn. Oqı otyryp júregim qars aırylardaı kúı keshkenim jasyryn emes. “Haıp úshin”, “nege aıaǵyna deıin barmadyń”, “jala japtyń”, “eki júzdilik” t.b degen sııaqty pikirlerdi de kórip kózimniń jasy kóldeı boldy. Meıli. Kóptiń aýzyna qaqpaq bola almaımyn. Árkimniń óz shyndyǵy bar. Biraq bir nárse anyq. Men halyqsyz eshkim emespin! Eldiń ishinen shyqtym. Ákem de halyq, anam da halyq! Keshe Shymqalaǵa men úshin ýaıymdap kelgen aǵa, ápkelerge, dostarǵa rahmet! Tákápparlyq qylmaı, keshirim surap tursa ákeńniń bolsa da qunyn kesh degen qazaqtaı dana jurttyń jurnaǵymyz ǵoı. Kisilik qylmaı, kishilik tanytaıyn dedim. Maqsatym az qazaqty alaýyz qylý emes! Osy oraıda Beket Esentaev kókemizdiń áni men sózine jazylǵan “ О́mirge saýal” atty týyndy nazarlarlaryńyzǵa usynamyn. Myna ándi tyńdap meniń jan dúnıemdi túsinersizder… Bári ýaqyttyń enshisinde… Qalǵany ishimde qala bersin…. Tyńdarmandarym men sizderdi jaqsy kóremin! Men qoldap, qýattap, qolpashtap otyratyn elime senemin!», — dep jazdy ol.