حالقىمىزدىڭ ءداستۇرى مەن ءدىني سەنىمى ءبىرتۇتاس

«ادىرنا» ۇلتتىق-ەتنوگرافيالىق بىرلەستىگى» قق-ى (ادىرنا – ۇلتتىق-ەتنوگرافيالىق بىرلەستىگى ) «ازاماتتىق باستامالاردى قولداۋ ورتالىعى» كەاق-نىڭ (CISC )مەملەكەتتىك گرانتى اياسىندا قر اقپارات جانە قوعامدىق دامۋ مينيسترلىگىنىڭ قولداۋىمەن جۇزەگە اسىرىلا باستاعان ء«داستۇرلى رۋxاني قۇندىلىقتاردى قولداۋ جونىندەگى جۇمىستاردى ۇيىمداستىرۋ» جوباسى بويىنشا سەمينار-ترەنينگ ۇيىمداستىردى.
ۇلتتىق قۇندىلىقتارىمىز, تامىرى تەرەڭ تاريحىمىز جايلى اتاۋلى شارا الماتى قالاسىنداعى ءابۋ-حانيفا مەدرەسەسىندە 5 قىركۇيەك كۇنى ءوتتى.
سەمينار-ترەنينگتىڭ دارىسكەرلەرى رەتىندە فيلوسوفيا, ساياساتتانۋ جانە ءدىنتانۋ ينستيتۋتىنىڭ اعا عىلىمي قىزمەتكەرى, PhD دوكتور, ءدىنتانۋشى داۋرەن داريابەك (@daurendariyabek ) جانە ر.ب. سۇلەيمەنوۆ اتىنداعى شىعىستانۋ ينستيتۋتىنىڭ كىشى عىلىمي قىزمەتكەرى ارمان اۋباكىر ءدارىس وقىدى.
سەمينار-ترەنينگتە مەدرەسە شاكىرتتەرى ۇلتتىق قۇندىلىقتار مەن ءدىني ماسەلەلەرگە قاتىستى كوكەيلەرىندەگى كوپتەگەن سۇراقتارعا جاۋاپ الدى. ەلباسىمىزدىڭ رۋحاني جاڭعىرۋ باعدارلاماسى اياسىندا ايتىلعان قازاق حالقىنىڭ ۇلتتىق قۇندىلىقتارى تۋرالى پرەزەنتاتسيالىق كورسەتىلىم مەدرەسە شاكىرتتەرىن قىزىقتىردى. سەميناردىڭ سوڭىندا قويىلعان سۇراقتاردىڭ لەگى ۇلتتىق ءداستۇر مەن ءدىني سەنىمنىڭ ساباقتاستىعىنا قاتىستى ءوربىدى. اسىرەسە, شاكىرتتەردى قىزىقتىرعانى, حالقىمىزدىڭ جەرلەۋ عۇرپىنا قاتىستى جورالعىلار بولدى. «تۇركىستانداعى قوجا احمەت ياسساۋي كەسەنەسىندە قازاقتىڭ ءبىرتۋار باتىرلارى مەن ۇلى تۇلعالارىنىڭ جەرلەنۋىنىڭ سەبەبى نەدە?» دەگەن سۇراققا ءدىنتانۋشى داۋرەن داريابەك ناقتى جاۋاپ بەردى. «تەك قازاق حالقىندا عانا ەمەس, كەز كەلگەن ۇلتتا ەرەكشە, ۇلى تۇلعالاردىڭ جانىندا جەرلەنۋ ءداستۇرى بار. كوزى تىرىسىندە پالەن جەردەگى پالەن توپىراققا جەرلە دەپ ارتىنا امانات قالدىراتىندار بولادى. سولاردىڭ ءبىرى -ءبىزدىڭ باتىرلارىمىز بەن ەل باسقارعان حاندارىمىز. قوجا احمەت ياسساۋي ءوز زامانىنىڭ كورنەكتى تۇرعاسى, ۇلى ۇستازى بولعاندىقتان, سونداي ادامنىڭ جانىنا جەرلەنۋ ۇلكەن مارتەبە سانالعان. مىنە, سوندىقتان دا باتىرلارىمىز بەن حاندارىمىز كيەلى تۇركىستاندا جەرلەندى. ءدال سونداي كورىنىستى مەككەدەن دە كورەسىز. پايعامبارىمىز مۇحاممەد (ع.س.) جاتقان توپىراقتى اينالا قورشاپ, ارابتىڭ ۇلى تۇلعالارى جەرلەنگەن. مۇنداي جاعدايدى بەلگىلى ءبىر تۇلعاعا تابىنۋشىلىق دەپ ەمەس, ۇلكەن قۇرمەت كورسەتۋ دەپ ءتۇسىنۋىمىز قاجەت», دەدى داۋرەن داريابەك.
شارا سوڭىندا اقپاراتتىق-تانىمدىق بۋكلەتتەر تاراتىلىپ, جاستاردىڭ ءدارىستى قانشالىقتى تۇسىنگەنىن انىقتاۋ ماقساتىندا شاعىن ساۋالناما جۇرگىزىلدى.
م.كەڭەسبەكقىزى.