جاڭالىقتار
حالىق 50 جىلدىق گاز باللونىن ءالى پايدالانىپ ءجۇر
فوتو: اشىق دەرەككوز
حالىق 50 جىلدىق گاز باللونىن ءالى پايدالانىپ ءجۇر, دەپ جازادى qandastar.kz atamekenbusiness_qaz-عا سىلتەمە جاساپ.
وسىلاي دەگەن ۇكىمەت باسشىسى ونەركاسىپ جانە قۇرىلىس مينيسترلىگىنە گاز باللوندارىنىڭ ءوندىرىسىن جىلدامداتىپ ۇيىمداستىرۋدى تاپسىردى.
«سۋىق تۇسكەلى بەرى ۇيلەردە گاز باللوندارى جارىلعان 8 جاعداي ورىن الدى. نەگىزگى سەبەپ – ولاردى پايدالانۋ جانە ساقتاۋ تالاپتارىن بۇزۋ. ونىڭ ىشىندە 50 جىل بولعان باللوندار دا بار. قازىرگى ۋاقىتتا گاز جابدىقتارىن پايدالانۋ تالاپتارىنىڭ ساقتالۋىن باقىلاۋ اكىمدىكتەرگە جۇكتەلگەن. الايدا جۇمىس ءتيىستى دەڭگەيدە ەمەس. گاز تولتىرۋ پۋنكتتەرىنىڭ مەنشىك يەلەرى اراسىندا باللونداردىڭ ساپاسىن باقىلاۋ, ولاردىڭ جارامدىلىق مەرزىمىن تەكسەرۋ تۋرالى ءتۇسىندىرۋ جۇمىسىن جۇرگىزۋ قاجەت», – دەدى ۇكىمەت باسشىسى.
