Halyq ártisi Bıbigúl Tólegenovany Air Astana qyzmetkeri yńǵaısyz jaǵdaıǵa qaldyrǵan

Foto: Azattyq rýhy

Halyq ártisi Bıbigúl Tólegenovaǵa áýe kemesine otyrǵyzý kezinde Air Astana qyzmetkeri dórekilik kórsetken. Bul týraly Leka Saveleva esimdi jeli qoldanýshysy málimdep, Prezıdent Qasym-Jomart Toqaevqa úndeý jasady, dep habarlaıdy Malim.kz.

«2024 jyldyń 3 qyrkúıeginde saǵat 10:30-da Astanadan Almatyǵa ushatyn Eır Astana 852 reısinde qoǵamnyń qaıda bara jatqanyn oılandyratyn bir jaǵdaı boldy. KSRO halyq ártisi jáne Qazaqstannyń halyq ártisi, ańyzǵa aınalǵan ánshi Bıbigúl Tólegenova Air Astana áýe kompanııasynyń qyzmetkeri tarapynan dórekilik pen qurmetsizdikke tap boldy. Bıbigúl Ahmetqyzyn múgedekter arbasynda ushaq bortyna ótkizbek bolǵanda áýe kemesine ótýdi baqylaıtyn qyzmetker toqtatyp, arbadaǵy jolaýshylardyń birinshi bolyp nemese eń sońǵy jolaýshy ótkennen keıin ǵana ótýi kerektigin dóreki túrde eskertken.

Múgedekter arbasyndaǵy jolaýshylar ushaqqa otyrǵyzý kezinde basqa jolaýshylarǵa yńǵaısyzdyq týdyrmaýy kerek. Bıbigúl Ahmetqyzy múgedekter arbasymen tek ushaqtyń kireberisine deıin jetýi tıis edi, ári qaraı ol ekinshi qatardaǵy ornyna óz betinshe barǵysy kelgen, bul basqa jolaýshylarǵa kedergi keltirmeıtin edi. Sonymen qatar, sol sátte jolaýshylardyń kireberiste toptasýy baıqalmady jáne arbamen ushaqtyń kireberisine deıin kedergisiz jyldam jetýge bolar edi. Aıta ketý kerek, Bıbigúl Ahmetqyzynyń omyrtqasynyń derti bar jáne oǵan múgedekter arbasynda uzaq ýaqyt otyrý óte qıyn, bul týraly Air Astana qyzmetkerine Bıbigúl Ahmetqyzyn ushaq salonyna erterek jiberý týraly ótingende aıtylǵan bolatyn.

Áýe kompanııasynyń qyzmetkerine Bıbigúl Ahmetqyzynyń jasy 95-ke jaqyndaǵany jáne onyń qazaq halqynyń maqtanyshy ekeni týraly aqparat aıtyldy, sondyqtan oǵan keıbir artyqshylyqtar qoldanylýy múmkin edi. Osydan keıin Bıbigúl Ahmetqyzy qyzmetkerge óziniń Astana qalasynyń Qurmetti azamaty ekenin jáne oǵan qansha qatal ereje bolsa da, erekshe jaǵdaı jasaýǵa laıyq ekenin aıtty. Kompanııa qyzmetkeri bunyń bárinen habardar ekenin, biraq erejelerge qaramastan, mártebesine, jasyna nemese jaǵdaıyna qaramastan, bárine birdeı qoldanylatynyn aıtty. Barlyǵyn óte qatty jáne dóreki túrde jetkizdi.

Qarttardy, ásirese elimizdi halyqaralyq arenada tanytqan tulǵalardy qurmetteýdi qyzmetkerlerge nege úıretpegenin bilgimiz keledi? Negizgi qurmet-ádep qaıda? Nelikten osyndaı adamdarǵa klıenttermen jumys isteýge ruqsat etedi? Ulttyq tasymaldaýshy kompanııa qyzmetkerleriniń mundaı minez-qulqy masqara ekeni anyq. Air Astana, barshamyzdyń súıikti tulǵamyz Bıbigúl Ahmetqyzy Tólegenovaǵa qatysty sizderdiń túsiniktemelerińiz ben keshirimderińizdi kútemiz!», – dep úndeý jasady.

Al áýe kompanııa bul jaǵdaıdy qaýipsizdik úshin bolǵanyn aıtady.

«Biz Bıbigúl Ahmetqyzy Tólegenova hanymǵa óz qurmetimizdi bildirgimiz keledi jáne kelesini túsindirgimiz keledi: Air Astana úshin qaýipsizdik basty basymdyq bolyp tabylady. Halyqaralyq avıaııalyq qaýipsizdik erejelerine sáıkes, múgedek jolaýshylardy ushaqqa otyrǵyzý proesiniń basynda nemese sońynda shaqyrady. Bul ereje barlyq jolaýshylarǵa yńǵaıly jaǵdaı jasaý úshin jáne termınaldaǵy evakýaııa erejelerine sáıkes keledi. Bizdiń aqparat boıynsha, Qazaqstannyń halyq ártisi Bıbigúl Tólegenova hanym jáne onyń qamqorshysy ushaqqa otyrǵyzý proesi bastalǵan soń kelgen, sondyqtan áýe kompanııasynyń agenti olardy otyrǵyzý ýaqyty aıaqtalǵansha kútýin suraǵan. Áýe kompanııasy týyndaǵan túsinispeýshilik úshin ókinedi jáne qyzmet sapasyn jaqsartý maqsatynda qosymsha tekserý júrgizedi», – dep jaýap berdi kompanııadan.

Jeli qoldanýshylary ulttyq kompanııanyń qyzmetkerleri tarapynan bolǵan ózge de jaǵdaılar týraly jazyp, jazalaý keregin aıtqan.

«Masqara bolǵan eken! Tap osyndaı keleńsiz jaǵadaılar Flyarystan kompanııasynda da óte kóp kezdesedi. Ushýyna 40 mın ýaqyty bar samoletke regıstraııaǵa 2 mın keshiktińiz dep júkti áıel men kishkentaı balasyn dalada shyryldatyp qaldyryp ketken. Osy jaǵdaıdy kóz aldymyzda kórip shydaı almaı jaýap izdep edik… áli joq», «Uıattan bezgen, dym kórmegen qyz. Tólegenovany tanymaý, tipti qart adamǵa olaı qarym-qatynas jasaý eshqandaı logıkaǵa syımaıdy. Qatań sógispen jumystan shyǵarylýy kerek», – dep jazǵan jeli qoldanýshylary.

Materıaldy qoldanǵan jaǵdaıda, bastapqy 1 nemese 2-sóılemde malim.kz saıtyna gıpersilteme berýińizdi suraımyz. Avtorlyq quqyqty qurmettegenińizge alǵys aıtamyz.