Halyk bank-tegi aqsha urlyǵy: Endi elimizde bankterdiń qaýipsizdigine qoıylatyn talaptar qatańdatylady

Foto: ashyq derekkóz

Ulttyq Bank Pavlodarda Halyk bólimshesindegi seıften aqsha urlanǵannan keıin bankter, aıyrbastaý pýnktteri men ınkassatorlyq qyzmetter úshin qaýipsizdik normalaryn kúsheıtpek. Endi aqsha saqtalatyn ǵımarattar qatań standarttarǵa saı bolýy kerek. Bul týraly  qandastar.kz    Stan.kz aqparat agenttigine silteme jasap habarlaıdy.

Pavlodardaǵy oqıǵadan birneshe kún ótken soń,  engizilgen túzetýler «Ashyq NQA» saıtynda shyqty. Belgisiz qylmyskerler Pavlodardaǵy Halyk bankiniń bólimshesindegi qabyrǵany syndyryp, seıfterden aqsha urlaǵan.

Endi bankter men aıyrbastaý pýnktteri ulttyq jáne halyqaralyq normalarǵa saı keletin seıfterdi paıdalanýǵa mindetti. Jańartylǵan talaptarda berik kireberis esikter, terezeler men qabyrǵa qalqalaryn ornatý talap etiledi.

Qoımalar men seıf bólmelerindegi jeldetý júıelerine olardyń qaýipsizdigin arttyrý úshin arnaıy erejeler engiziledi. Sonymen qatar, obektilerdi qorǵaýǵa jáne beınebaqylaý sapasyna qoıylatyn talaptar qaıta qaralady.

Bankter men aıyrbastaý pýnktteri jańartylǵan normalardy eskere otyryp, óz ǵımarattaryn beıimdeýge ýaqyt alady.