Halyq pen kásipkerlerden syılyq almaımyn, memlekettiń bergeni jetedi – О́zbek sportshysy

Foto: Olympic.uz

Bokstan Olımpıada oıyndarynyń eki dúrkin chempıony ózbekstandyq Bahodır Jalolov jýrnalıst Nurseıit Jylqyshybaıǵa bergen suhbatynda Parıjden keıingi syı-syıapaty týraly aıtqan, – dep habarlaıdy qandastar.kz  1bol.kz saıtyna silteme jasap.

Dańqty boksshy memlekettiń bergenin qanaǵat tutatynyn jetkizgen. Al, halyq pen kásipkerlerden syı-syıapat alýdy jón kórmeıdi eken. Bul týraly Jylqyshybaı óziniń Instagram-paraqshasynda aıtty.

«Olımpıada oıyndarynyń eki dúrkin chempıony Bahodır Jalolovtan suhbat alý buıyrdy. Suhbat kezinde men odan kásipkerler men halyq qandaı syılyq bergenin suradym. Ol «memleketten alǵanym jetedi, qarapaıym halyqtan, kásipkerlerden alyp baıyp ketpeımin, ol syılyqty o dúnıege alyp ketpeımin, Olımpıadany eki ret jeńsem elimniń abyroıy úshin jeńdim» dep jaýap berdi. Al, bizdegi jaǵdaı she? Anaý páter berdi, mynaý kólik berdi, at mingizdi dep jazyp jatyr. Aınalaıyn altyndarym, sizder el namysyn qorǵaýǵa bardyńyzdar ma, álde dúnıe jınaýǵa bardyńyzdar ma?» – dep suraq qoıdy jýrnalıst qazaqstandyq sportshylarǵa.

Jylqyshybaıdyń Jalolovpen suhbaty ınternetke áli shyqqan joq.