«حالىق زاڭگەرى»: الاياقتار رەسپۋبليكالىق اكتسيانىڭ اتاۋىن پايدالانۋدا

فوتو: اشىق دەرەككوز

الاياقتار جالعان بەينەروليكتەردى ينتەرنەتتە تاراتىپ, قازاقستان ازاماتتارىنىڭ باسىم كوپشىلىگىن اداستىرۋعا ۇمتىلۋدا, دەپ حابارلادى Qandastar.kz.

ۆەدومستۆانىڭ مالىمەتىنشە, جاساندى ينتەللەكت تەحنولوگياسىمەن جاسالعان بۇل ماتەريالدار مەسسەندجەرلەر مەن الەۋمەتتىك جەلىلەر ارقىلى تاراتىلىپ جاتىر. الاياقتار ادامداردى اقىلى نەگىزدە ادۆوكاتپەن بايلانىسۋ ءۇشىن سىلتەمەلەردى باسۋعا جانە جەكە مالىمەتتەرىن بەرۋگە ۇگىتتەۋدە.

بەينەجازبالار مونتاجدىق كادرلاردان قۇرالىپ, جالعان دىبىسپەن سۇيەمەلدەنگەن. سىبايلاس جەمقورلىققا قارسى قىزمەت «حالىق زاڭگەرى» اكتسياسى اياسىنداعى بارلىق زاڭ كونسۋلتاتسيالارى تەگىن نەگىزدە بەرىلەتىنىن ەسكە سالادى. بۇل ازاماتتىق قوعامدى دامىتۋدا, قۇقىقتىق ساۋاتتىلىقتى ارتتىرۋدا جانە حالىققا زاڭگەرلىك كومەك كورسەتۋدە ماڭىزدى ءرول اتقارادى.

ايتا كەتۋ كەرەك, «حالىق زاڭگەرى» رەسپۋبليكالىق اكتسياسى تەك وفلاين فورماتتا وتكىزىلەدى. حالىقتى جالعان اقپاراتتارعا سەنبەۋگە, كۇماندى سىلتەمەلەرگە وتپەۋگە, سونداي-اق قاراجات اۋدارماۋعا شاقىرامىز.

وسىنداي قوڭىراۋلار مەن تاراتىلىمداردى العان جاعدايدا, وسى فاكتىلەر تۋرالى قازاقستان رەسپۋبليكاسىنىڭ قۇقىق قورعاۋ ورگاندارىنا دەرەۋ حابارلاۋدى سۇرايمىز.