«حالىق جاۋى ۇقساتىپ ۇستاپ بەرىپ جاتىر»: اقىن سارا توقتامىسوۆا كۇيەۋى ۇرعانىن ايتقان ايەلدەرگە رەنىشىن ءبىلدىردى

فوتو: instagram.com/ sarkanai

اقىن سارا توقتامىسوۆا تۇرمىستىق زورلىق-زومبىلىققا قارسى زاڭ جوباسىنا قاتىستى ويىن ايتتى, – دەپ حابارلايدى Aikyn.kz. 

ونىڭ سوزىنشە, كۇيەۋىنە جازىقسىز كۇيە جاعاتىن ايەلدەر بار. اقىن كۇيەۋى ۇرعانىن مالىمدەپ جۇرگەن كەيبىر ايەلدەرگە رەنىشىن ءبىلدىردى.

«مەن زورلىق-زومبىلىق, ۇرىپ-سوعۋ دەگەنگە تۇبەگەيلى قارسىمىن. «قارسى ەمەسپىن» دەيتىن ايەل جوق شىعار. قيسىق قابىرعاڭنان جاراتىلعان جاندى ءوز الەمىڭە ساي ەتىپ تۇزەپ الام دەۋ ەڭ اقىماق ەركەكتىڭ قاعيداسى. ونى ۇرىپ-سوعىپ تاربيەلەي المايسىڭ. ەگەر ايەلىڭ كوزىڭە جىن بوپ كورىنسە, باسقا جولىن تاپ. ودان دا بوساتا سال. ۇرىپ-سوعىپ, اكە-شەشەسىنەن بوقتاپ جونگە سالۋ دەگەن بوس اۋرەشىلىك. ايەلگە قولىن تيگىزىپ, اكە-شەشەسىنەن بوقتاعان كۇنى ەركەك ءوزىنىڭ «ەركەك» دەگەن قۇنىن ءتۇسىرىپ الادى. وسىنى ويلاڭدار, ازاماتتار», – دەپ جازدى اقىن.

ول وتباسىنداعى كيكىلجىڭگە ءبىر ادام عانا كىنالى بولمايتىنىن ايتتى.

«مۇنىڭ ەكىنشى جاعى بار. قازاقستاندا زاڭ شىقتى ەكەن دەپ پالەن جىل وتاسقان كۇيەۋىن حالىق جاۋى ۇقساتىپ ۇستاپ بەرىپ جاتقان ايەلدەر دە شىعىپ جاتىر. ءبىزدىڭ ايەلدەردىڭ, ءتىلىمىز وتە ۇزىن. «قوي» دەگەندە قويا سالماي كەي جىگىتتىڭ ءتىلىن شىعارامىز. سوندىقتان بولعان جايتتى جۇرتقا جايىپ, ءجونسىز-جوباسىز كۇيەۋىنە قارا كۇيەنى جاعىپ, ءوزى سۇتتەن اق, سۋدان تازا بولاتىن ايەلدەردى قۇداي كەشىرسىن. ەشقاشان تەك ءبىر جاق كىنالى بولمايدى, سونى ساراپقا سالىپ ويلانۋ كەرەك دەپ ويلايمىن. بىرەۋدىڭ ومىرىنە ارالاسىپ, پىكىر جازىپ ۋاقىتىڭدى بوس كەتىرمەي, وزىڭمەن اينالىس, وزىڭە ارنا ۋاقىتتى», – دەيدى ول.