«Halyq jaýy uqsatyp ustap berip jatyr»: aqyn Sara Toqtamysova kúıeýi urǵanyn aıtqan áıelderge renishin bildirdi

Foto: instagram.com/ sarkanai

Aqyn Sara Toqtamysova turmystyq zorlyq-zombylyqqa qarsy zań jobasyna qatysty oıyn aıtty, – dep habarlaıdy Aikyn.kz. 

Onyń sózinshe, kúıeýine jazyqsyz kúıe jaǵatyn áıelder bar. Aqyn kúıeýi urǵanyn málimdep júrgen keıbir áıelderge renishin bildirdi.

«Men zorlyq-zombylyq, uryp-soǵý degenge túbegeıli qarsymyn. «Qarsy emespin» deıtin áıel joq shyǵar. Qısyq qabyrǵańnan jaratylǵan jandy óz álemińe saı etip túzep alam deý eń aqymaq erkektiń qaǵıdasy. Ony uryp-soǵyp tárbıeleı almaısyń. Eger áıeliń kózińe jyn bop kórinse, basqa jolyn tap. Odan da bosata sal. Uryp-soǵyp, áke-sheshesinen boqtap jónge salý degen bos áýreshilik. Áıelge qolyn tıgizip, áke-sheshesinen boqtaǵan kúni erkek óziniń «erkek» degen qunyn túsirip alady. Osyny oılańdar, azamattar», – dep jazdy aqyn.

Ol otbasyndaǵy kıkiljińge bir adam ǵana kináli bolmaıtynyn aıtty.

«Munyń ekinshi jaǵy bar. Qazaqstanda zań shyqty eken dep pálen jyl otasqan kúıeýin halyq jaýy uqsatyp ustap berip jatqan áıelder de shyǵyp jatyr. Bizdiń áıelderdiń, tilimiz óte uzyn. «Qoı» degende qoıa salmaı keı jigittiń tilin shyǵaramyz. Sondyqtan bolǵan jaıtty jurtqa jaıyp, jónsiz-jobasyz kúıeýine qara kúıeni jaǵyp, ózi sútten aq, sýdan taza bolatyn áıelderdi Qudaı keshirsin. Eshqashan tek bir jaq kináli bolmaıdy, sony sarapqa salyp oılaný kerek dep oılaımyn. Bireýdiń ómirine aralasyp, pikir jazyp ýaqytyńdy bos ketirmeı, ózińmen aınalys, ózińe arna ýaqytty», – deıdi ol.