Halyqaralyq «Aq kógershin» festıvalinen Almaty oblysynyń balalary júldeli oraldy

2023 jyldyń 29 sáýiri men 2 mamyr kúnderiniń aralyǵynda elordamyz Astana qalasynda XVI-Halyqaralyq «Aq kógershin» balalar shyǵarmashylyǵy festıval-baıqaýy ótti, — dep habarlaıdy Adyrna portaly.

«Aq kógershin» balalar qorynyń» uıymdastyrýymen ótken sharaǵa Astana qalasynyń ákimdigi men «Jastar» saraıy demeýshilik etti. Uıymdastyrýshylardyń aıtýynsha, festıval mektepten tys uıymdardyń balanyń jeke tulǵa retinde damýyndaǵy alatyn rólin arttyrý, óskeleń urpaqty kórkemdik jáne estetıkalyq talǵamǵa saı tárbıeleý, pedagogtardyń kásibı sheberligin jetildirý jáne olardyń shyǵarmashylyq qyzmetin jandandyrý maqsatynda ótken.

Baıqaýǵa qatysýshylar vokal, halyqtyq oryndaý, aspapta oryndaý, bı óneri, balalar sáni, sán teatry, ózindik janr, kórkem sóz, beıneleý óneri sekildi nomıııalarǵa qatysyp, baq synady.

Atalǵan baıqaýǵa Almaty oblysynan Almaty oblystyq halyq shyǵarmashylyǵy ortalyǵy qoldaý bildirip, báıgege qosqan úsh ónerpazy da ádilqazy alqasynyń joǵary baǵasyna ıe bolyp, júldeli oryndardy qanjyǵasyna baılap qaıtty.
Máselen, «Kórkem sóz» nomınaııasy boıynsha Bas júlde Talǵar aýdany, Nura aýylynyń týmasy Aıanqyzy Aıajannyń enshisine buıyrdy. «Vokal» nomınaııasy boıynsha (kishi top) Jambyl aýdany, Aqseńgir aýylynyń turǵyny Nurbolatuly Ereńbaq birinshi oryn aldy. Al, orta toptan «Vokal» nomınaııasy boıynsha Kegen aýdanynyń Kegen aýylynan kelgen Baratbek Abylaı ekinshi oryndy ıelendi.
Almaty oblystyq halyq shyǵarmashylyǵy ortalyǵy júldegerlerdi jeńisterimen shyn júrekten quttyqtaıdy!