«Halyqtan aqsha jınaǵan»: Kirister komıteti 46 otbasynyń úıli bolýyna sebepshi bolǵan blogerdiń izine tústi

Tanymal bloger Aıaýlym Jorabaeva óziniń Instagram-daǵy paraqshasynda qaıyrymdylyq úshin halyqtan aqsha jınaǵany úshin memlekettik kirister komıtetinen ózine hat kelgenin málimdedi, dep habarlaıdy qandastar.kz turkystan.kz-ke silteme jasap.

«Kóńil kúıim jaman túsip ketti. Salyq komıteti maǵan hat jibergen, ne isteımin ózi? Qaıyrymdylyq dep júgirgenim bolmasa… 46 sbor ashyldy. Barlyq 46 otbasyǵa artyǵymen tabystaldy. Men ne úshin ózim jumsamaǵan aqshaǵa nalog tóleýim kerek? Bári jaqsy bolady Inshalla! Men emoııam birden shyǵatyn adammyn. Halyqpen birge jasalǵan jaqsylyq bolǵan soń jazyp otyrmyn. Eger jeke máselem bolsa, ony sizderge aıtpas edim. Bul halyq aldynda jasalǵan jaqsylyq», — dep jazdy Aıalýym Jorabaeva.