Halyqtyń kóshi-qony týraly zań 11

11-taraý. QAZAQSTAN RESPÝBLIKASY AZAMATTARYNYŃ ELDEN TYS JERGE KETÝINIŃ ShARTTARY MEN TÁRTIBI. ZAŃSYZ KО́ShIP KELÝDIŃ ALDYN ALÝ

54-bap. Elden tys jerge ketetin Qazaqstan Respýblıkasy azamattarynyń sanattary Elden tys jerge ketetin Qazaqstan Respýblıkasynyń azamattary:

1) basqa memleketke turaqty turý úshin ketetin Qazaqstan Respýblıkasynyń azamattary;

2) basqa memleketke ýaqytsha turý úshin ketetin Qazaqstan Respýblıkasynyń azamattary bolyp eki sanatqa bólinedi. Basqa memleketke ýaqytsha turý úshin ketetin Qazaqstan Respýblıkasynyń azamattaryna Qazaqstan Respýblıkasynyń sheteldegi mekemeleriniń personaly, Qazaqstan Respýblıkasyna bekitip berilgen kvotalarǵa sáıkes halyqaralyq uıymdar janyndaǵy laýazymdarǵa taǵaıyndalǵan, shetelde ýaqytsha eńbek qyzmetin júzege asyratyn Qazaqstan Respýblıkasynyń azamattary, bitimgershilik paryzyn oryndaýshy áskerı qyzmetshiler, sondaı-aq, uıymdar men jeke adamdardyń shaqyrýy boıynsha oqýda, emdelýde, týrıstik jáne jeke saparda, shet elderde qyzmettik issaparda júrgen adamdar jatady.

55-bap. Qazaqstan Respýblıkasy azamattarynyń elden tys jerge ketýiniń sharttary men tártibi

1. Árkimniń Qazaqstan Respýblıkasynan tys jerge ketýge quqyǵy bar. Qazaqstan Respýblıkasy azamattarynyń Qazaqstan Respýblıkasyna kedergisiz qaıtyp oralýǵa quqyǵy bar.

2. Qazaqstan Respýblıkasynan turaqty turǵylyqty jerge ketý ishki ister organdary ketýge arnalǵan qujattardy resimdegennen keıin júzege asyrylady.

3. Qazaqstan Respýblıkasynyń sheginen tys turaqty turǵylyqty jerge ketý týraly ótinishti ishki ister organdaryna: 1) áreketke qabiletti azamattar – ózderi; 2) balalar men sot áreketke qabiletsiz dep tanyǵan azamattar atynan olardyń zańdy ókilderi beredi.

4. Ishki ister organdary Qazaqstan Respýblıkasynyń sheginen tys turaqty turǵylyqty jerge ketý týraly ótinish bergen azamattardyń Qazaqstan Respýblıkasynyń sheginen tys jerge ketýinen bas tartý úshin negizderdiń bolmaýyna tekserý júrgizedi. Múddeli memlekettik organdar Qazaqstan Respýblıkasynyń sheginen tys turaqty turǵylyqty jerge ketý týraly ótinish bergen azamattarǵa qatysty ishki ister organdarynyń saýaldaryn on kún merzimde qaraıdy. Qazaqstan Respýblıkasynyń sheginen tys turaqty turǵylyqty jerge ketýge arnalǵan qujattardy resimdeý týraly sheshim barlyq qujattar usynylǵan kúnnen bastap bir aı merzimnen keshiktirilmeı, Qazaqstan Respýblıkasynyń Úkimeti aıqyndaıtyn tártippen qabyldanady.

5. Qazaqstan Respýblıkasy azamattarynyń Qazaqstan Respýblıkasynan basqa memleketterge turaqty turǵylyqty jerge ketýimen baılanysty shyǵyndardy qarjylandyrý ketýshilerdiń óz qarajaty esebinen júzege asyrylady, sondaı-aq, eger bul Qazaqstan Respýblıkasynyń zańnamasyna qaıshy kelmese, basqa da kózderden júzege asyrylýy múmkin.

6. Qazaqstan Respýblıkasynan basqa memleketke turaqty turǵylyqty jerge ketetin Qazaqstan Respýblıkasynyń azamattary Qazaqstan Respýblıkasynyń zańnamasyna sáıkes ózderine jáne ózderiniń otbasy múshelerine menshik quqyǵymen tıesili múlikti óz qarajaty esebinen áketýge quqyly.

7. Azamattardyń memleket úshin mádenı, tarıhı nemese ózge de qundylyǵy bar zattardy Qazaqstan Respýblıkasynyń sheginen tys áketýi Qazaqstan Respýblıkasynyń zańnamasynda belgilengen tártippen retteledi.

8. Qazaqstan Respýblıkasynan basqa memleketterge turaqty turǵylyqty jerine ketken adamdardyń Qazaqstan Respýblıkasynyń aýmaǵyndaǵy múlikke quqyǵy Qazaqstan Respýblıkasynyń zańnamasynda aıqyndalady.

Eskertý. 55-bapqa ózgeris engizildi – QR 13.06.2013 № 102-V (alǵashqy resmı jarııalanǵanynan keıin kúntizbelik on kún ótken soń qoldanysqa engiziledi) Zańymen.

56-bap. Qazaqstan Respýblıkasynyń azamatyna elden turaqty turǵylyqty jerine ketýge ruqsat berýden bas tartý úshin negizder Qazaqstan Respýblıkasynyń azamatyna mynadaı jaǵdaılarda, eger ol:

1) memlekettik jáne zańmen qorǵalatyn ózge de qupııany quraıtyn málimetterdi biletin bolsa jáne óziniń Qazaqstan Respýblıkasynyń sheginen tys jerge ketý faktisi týraly tıisti ýákiletti organdardy habardar etpegen bolsa – osy mán-jaılardyń qoldanylýy toqtatylǵanǵa deıin;

2) qylmystyq quqyq buzýshylyq jasady degen kúdikpen ustap alynǵan ne kúdikti, aıyptalýshy retinde jaýapqa tartylǵan bolsa, ne oǵan qatysty kúdiktiniń is-áreketin saralaý týraly qaýly shyǵarylsa – is boıynsha sheshim shyǵarylǵanǵa nemese sot úkimi zańdy kúshine engenge deıin;

3) qylmys jasaǵany úshin sottalǵan bolsa – jazasyn ótegenge deıin nemese jazadan bosatylǵanǵa deıin;

4) ózine sot júktegen mindettemelerdi oryndaýdan jaltarǵan bolsa – osy mán-jaılar toqtatylǵanǵa deıin;

5) merzimdi áskerı qyzmetin ótkerip júrgen bolsa – osy qyzmetti ótkerý aıaqtalǵanǵa deıin nemese «Áskerı qyzmet jáne áskerı qyzmetshilerdiń mártebesi týraly» Qazaqstan Respýblıkasynyń Zańyna sáıkes odan bosatylǵanǵa deıin;

6) Qazaqstan Respýblıkasynan ketý úshin qujattardy resimdeý kezinde ózi týraly kórineý jalǵan derekterdi habarlaǵan bolsa – bas tartýǵa jáne berýge negiz bolǵan sebepter joıylǵanǵa deıin jáne dáıekti derekterdi usynǵanǵa deıin;

7) azamattyq sot isin júrgizýde jaýapker bolyp tabylsa – sot úkimi zańdy kúshine engenge deıin Qazaqstan Respýblıkasynan turaqty turǵylyqty jerine ketýge ruqsat berýden ýaqytsha bas tartylady. Qazaqstan Respýblıkasy azamatynyń salyq bereshegi bolǵan jaǵdaıda, oǵan Qazaqstan Respýblıkasynyń sheginen tys turaqty turǵylyqty jerge ketýge ruqsat berýden bas tartylady. Qazaqstan Respýblıkasynan turaqty turǵylyqty jerge ketý quqyǵyn shekteýdiń barlyq jaǵdaılarynda ishki ister organdary Qazaqstan Respýblıkasynyń azamatyna habarlama beredi, onda shekteýdiń negizdemesi men merzimi jáne osy sheshimge shaǵymdanýdyń tártibi kórsetiledi..

Eskertý. 56-bapqa ózgeris engizildi – QR 2012.02.16 № 562-IV (alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi), 13.06.2013 № 102-V (alǵashqy resmı jarııalanǵanynan keıin kúntizbelik on kún ótken soń qoldanysqa engiziledi); 04.07.2014 № 233-V (01.01.2015 bastap qoldanysqa engiziledi) Zańdarymen.

57-bap. Qazaqstan Respýblıkasynyń sheginen tys jerge barǵan Qazaqstan Respýblıkasy azamattarynyń quqyqtary men mindetteri Qazaqstan Respýblıkasynyń sheginen tys jerge barǵan Qazaqstan Respýblıkasy azamattarynyń barlyq quqyqtary men bostandyqtary bar, sondaı-aq olar Konstıtýııada, zańdarda jáne Qazaqstan Respýblıkasy ratıfıkaııalaǵan halyqaralyq sharttarda belgilengen mindetterdi atqarady. Qazaqstan Respýblıkasy óz azamattaryn odan tys jerde qorǵaýǵa jáne olarǵa súıeý bolýǵa kepildik beredi. 58-bap. Zańsyz kóship kelýdiń aldyn alý jáne quqyqtyq mártebesi rettelmegen kóship kelýshilerdi zańdastyrý sharalary.

1. Kóship kelýshilerdiń Qazaqstan Respýblıkasynyń aýmaǵyna kelýi, olar kelý, ketý, bolý jáne tranzıttik jol júrý tártibin retteıtin Qazaqstan Respýblıkasy zańnamasynyń, sondaı-aq Qazaqstan Respýblıkasy ratıfıkaııalaǵan halyqaralyq sharttardyń talaptaryn oryndaǵan jaǵdaıda múmkin bolady.

2. Ýákiletti memlekettik organdar kóshi-qon baqylaýyn, sondaı-aq Qazaqstan Respýblıkasynyń Memlekettik shekarasynan zańsyz ótetin, Qazaqstan Respýblıkasynyń aýmaǵynda zańsyz bolatyn sheteldikter men azamattyǵy joq adamdardyń, sondaı-aq Qazaqstan Respýblıkasynyń aýmaǵyna kelýge tyıym salynǵan adamdardyń esebin júrgizýdi Qazaqstan Respýblıkasynyń Úkimeti aıqyndaıtyn tártippen júzege asyrady.