Kóshi-qon zańnamasy

Halyqtyń kóshi-qony týraly zań 12

12-taraý. QAZAQSTAN RESPÝBLIKASYNYŃ HALYQTYŃ KО́ShI-QONY SALASYNDAǴY ZAŃNAMASYN BUZǴANY ÚShIN JAÝAPTYLYQ. DAÝLARDY ShEShÝ 59-bap. Qazaqstan Respýblıkasynyń halyqtyń kóshi-qony salasyndaǵy zańnamasyn buzǵany úshin jaýaptylyq Qazaqstan Respýblıkasynyń halyqtyń kóshi-qony salasyndaǵy zańnamasyn buzý Qazaqstan Respýblıkasynyń zańdarynda belgilengen jaýaptylyqqa ákep soǵady. 60-bap. Zańsyz kóship kelýshilerdi shyǵaryp jiberý 1. Zańsyz kóship kelýshiler Qazaqstan Respýblıkasynyń sheginen tys ózderiniń shyqqan memleketine (sheteldik azamattyǵyn alǵan nemese azamattyǵy joq adam turaqty turatyn elge) Qazaqstan Respýblıkasynyń zańnamasyna sáıkes shyǵaryp jiberilýge jatady. Shyǵaryp jiberý týraly sheshimdi sot qabyldaıdy. Zańsyz kóship kelýshilerdi kidirtip ustaýǵa jáne olardy Qazaqstan Respýblıkasynyń aýmaǵynan tys shyǵaryp jiberý úshin qajetti merzimge ishki ister organdarynyń arnaýly mekemelerinde ustaýǵa Qazaqstan Respýblıkasynyń zańynda belgilengen tártippen jol beriledi. 2. Shyǵaryp jiberý boıynsha shyǵystardy shyǵaryp jiberiletin zańsyz kóship kelýshiler, zańsyz kóship kelýshini Qazaqstan Respýblıkasyna shaqyrǵan ne kóship kelýshiniń Qazaqstan Respýblıkasynda zańsyz bolý faktisi anyqtalǵan kezde onyń eńbegin paıdalanǵan jeke nemese zańdy tulǵalar kóteredi. Atalǵan tulǵalardyń shyǵaryp jiberý boıynsha shyǵystardy jabýǵa qarajaty bolmaǵan ne jetkiliksiz bolǵan jaǵdaılarda, tıisti is-sharalardy qarjylandyrý bıýdjet qarajaty esebinen júrgiziledi, bul rette shyǵaryp jiberýge jumsalǵan qarajattar múddeli memlekettik organdardyń joǵaryda atalǵan tulǵalarǵa talap aryzdary boıynsha sot tártibimen ótelýge jatady. Qazaqstan Respýblıkasy ratıfıkaııalaǵan halyqaralyq sharttarǵa sáıkes kelý quqyǵynsyz kelgen adamdardy Qazaqstan Respýblıkasynyń aýmaǵynan áketýge osy adamdardy alyp kelgen kólik uıymy jaýapty bolyp tabylady. Eskertý. 60-bapqa ózgeris engizildi - QR 24.11.2015 № 421-V Zańymen (alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi). 61-bap. Daýlardy sheshý Ýákiletti organdardyń jáne (nemese) olardyń laýazymdy adamdarynyń sheshimderi men is-áreketterine (áreketsizdigine) joǵary turǵan memlekettik organdarǵa (joǵary turǵan laýazymdy adamǵa) jáne (nemese) sotqa Qazaqstan Respýblıkasynyń zańdaryna sáıkes shaǵym jasalýy múmkin. 13-taraý. QORYTYNDY EREJELER 62-bap. Osy Zańnyń qoldanylý tártibi 1. Osy Zań qoldanysqa engizilgeninen keıin týyndaǵan halyqtyń kóshi-qony salasyndaǵy qatynastarǵa qoldanylady. 2. Osy Zań qoldanysqa engizilgenge deıin ýákiletti memlekettik organdar bergen qujattar óziniń kúshin saqtaıdy. 63-bap. Osy Zańdy qoldanysqa engizý tártibi 1. Osy Zań, 2015 jylǵy 1 qańtardan bastap qoldanysqa engiziletin 8-baptyń 3) tarmaqshasyn, 50-baptyń 1) tarmaqshasyn jáne 10-taraýdy qospaǵanda, alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. 2. "Halyqtyń kóshi-qony týraly" 1997 jylǵy 13 jeltoqsandaǵy Qazaqstan Respýblıkasy Zańynyń (Qazaqstan Respýblıkasy Parlamentiniń Jarshysy, 1997 j., № 24, 341-qujat; 2001 j., № 8, 50-qujat; № 21-22, 285-qujat; № 24, 338-qujat; 2002 j., № 6, 76-qujat; 2004 j., № 23, 142-qujat; 2007 j., № 3, 23-qujat; № 15, 106-qujat; № 20, 152-qujat; 2008 j., № 23, 114-qujat; 2009 j., № 23, 117-qujat; 2010 j., № 24, 149-qujat) kúshi joıyldy dep tanylsyn. Qazaqstan Respýblıkasynyń Prezıdenti N. Nazarbaev