«Han Shatyr» ulttyq kıimmen baılanysty kıkiljiń úshin keshirim surady

Foto:kazpravda.kz

Áleýmettik jelide Astanadaǵy «Han Shatyrǵa» qazaqtyń ulttyq kıimimen kirýge bolmaıtyny týraly blogerdiń beınejazbasy taraǵan edi. Oıyn-saýyq ortalyǵy bul máselege qatysty resmı jaýap berdi, dep habarlaıdy qandastar.kz

jasqazaq.kz jazǵandaı,  ortalyqtyń resmı jaýabynda: «Han Shatyr» saýda oıyn-saýyq ortalyǵy eshqashan jáne esh ýaqytta qazaqtyń ulttyq kıimin kııýge qarsy bolǵan emes, sebebi bul – bizdiń ulttyq qundylyǵymyz. Kerisinshe, alǵashqy kúnnen bastap búginge deıin biz memlekettik uıymdarmen tyǵyz yntymaqtastyq ornatyp, ulttyq muramyzdy, dástúrlerimizdi jáne ónerimizdi nasıhattaýǵa baǵyttalǵan is-sharalarǵa belsendi kórsetip kelemiz.

О́kinishke qaraı, saýda ortalyǵyna kelýshi men kúzet fırma qyzmetkeri arasynda túsinbestik pen jaǵymsyz oqıǵa boldy. Osy jaǵdaıǵa baılanysty biz osy oqıǵaǵa tap bolǵan kelýshimen kezdesip, mán-jaıdy tolyq túsindirip, resmı túrde keshirim suradyq. «Han Shatyr» saýda oıyn-saýyq ortalyǵynyń atynan osy oqıǵa saldarynan kóńiline qaıaý túsken Qazaqstan Respýblıkasy azamattarynan shyn júrekten keshirim suraımyz. Túsinistik tanytqandaryńyz úshin alǵysymyzdy bildiremiz jáne osyndaı keleńsizdikter qaıtalanbaıdy dep úmittenemiz, — delingen.