ءحانبيبى ەسەنقاراقىزى دۋلات يسابەكوۆتىڭ اسىندا كوڭىل ايتۋدىڭ ورنىنا مەملەكەتتىك سىيلىق الا الماي جۇرگەنىن ايتتى – كاسىپكەر

فوتو: اشىق دەرەككوز

مەديا مامان باقىتجان بۇقانباي مارقۇم دۋلات يسابەكوۆتىڭ اقتىق ساپارعا شىعارۋ ساتىنە قاتىسقانىن جازدى, دەپ حابارلايدى  qandastar.kz      Alash.kz-كە سىلتەمە جاساپ.

“قارالى جيىنداردا زيالى ساناتىنا جاتقىزىپ جۇرگەن اعالارىمىز بەن اپالارىمىزدىڭ ءوزىن ۇستاۋى مەن سويلەگەن ءسوزى كەيدە «بۇل قالاي سوندا?» دەگەن ەرىكسىز ويعا قالدىرادى. بۇگىن دۋلات يسابەكوۆتىڭ اسىندا ءسوز العان ءحانبيبى ەسەنقاراقىزى مارقۇمنىڭ ارتىندا قالعان بالالارىنا كوڭىل ايتۋدىڭ ورنىنا, ءوزىنىڭ مەملەكەتتىك سىيلىق الا الماي جۇرگەنىن العا تارتتى. بۇل ءسوزى تىم ادەپسىز كورىندى. مەرەكە قۇلكەنوۆ جاعدايدى جۇمسارتۋعا تىرىسىپ, «ەندىگى رەت الاسىز» دەپ ازىلگە بۇرعانىمەن, مۇنداي اڭگىمەنىڭ ءدال وسى جەردە ايتىلعانى ۇيات بولدى. اپامىزدىڭ بۇلاي رەنجيتىندەي ءجونى بار ما ەكەن دەپ جەلىدەگى اقپاراتتى قاراپ شىقتىم. ءحانبيبى حانىمنىڭ الماعان ماراپاتى جوق ەكەن: «پاراسات» پەن «بارىس» وردەندەرى, «قر ەڭبەك سىڭىرگەن قىزمەتكەرى» اتاعى – ءبارى بار. سوندا وسىنداي جيىندا تاعى ءبىر ماراپات جايلى ءسوز قوزعاۋ قانشالىقتى قاجەت ەدى?, – دەپ باستادى اڭگىمەسىن باستادى.

بۇنداي قارالى جيىنداردا ءوزىن كورسەتۋمەن قاتار, پرەزيدەنتتى ماقتايتىندار دا جەتەرلىك ەكەن.

“بۇعان دەيىن دە وسىنداي كورىنىستەر بولعان. ءبىر استا ءسوز العان سماعۇل ەلۋباي مارقۇم تۋرالى ءبىر جاقسى ەستەلىك ايتىپ نەمەسە ارتىندا قالعان ۇرپاعىنا جىلى تىلەك بىلدىرسە جاراسار ەدى. ونىڭ ورنىنا, ءبىراز ۋاقىتىن قازىرگى پرەزيدەنتتى ماداقتاۋعا ارنادى. بۇرىنعى باسشىنى دا ءدال وسىلاي دارىپتەۋشى ەدى. بۇل وتە جيىركەنىشتى كورىنىس بولدى. وسى جازعانىم اعا بۋىنعا جەتىپ جاتسا, ءبىر نارسەنى ەسكەرىڭىزدەرشى: استا ءبىز سياقتى جاستار دا وتىرادى. ءجاي عانا وتىرماي, جاعاسىن ۇستاپ, سىزدەر ءۇشىن يسپانشا ۇيالىپ وتىرادى, – دەدى ول.