Hanbıbi Esenqaraqyzy Dýlat Isabekovtyń asynda kóńil aıtýdyń ornyna memlekettik syılyq ala almaı júrgenin aıtty – KÁSIPKER

Foto: ashyq derekkóz

Medıa maman Baqytjan Buqanbaı marqum Dýlat Isabekovtyń aqtyq saparǵa shyǵarý sátine qatysqanyn jazdy, dep habarlaıdy  qandastar.kz      Alash.kz-ke silteme jasap.

“Qaraly jıyndarda zııaly sanatyna jatqyzyp júrgen aǵalarymyz ben apalarymyzdyń ózin ustaýy men sóılegen sózi keıde «Bul qalaı sonda?» degen eriksiz oıǵa qaldyrady. Búgin Dýlat Isabekovtiń asynda sóz alǵan Hanbıbi Esenqaraqyzy marqumnyń artynda qalǵan balalaryna kóńil aıtýdyń ornyna, óziniń memlekettik syılyq ala almaı júrgenin alǵa tartty. Bul sózi tym ádepsiz kórindi. Mereke Qulkenov jaǵdaıdy jumsartýǵa tyrysyp, «Endigi ret alasyz» dep ázilge burǵanymen, mundaı áńgimeniń dál osy jerde aıtylǵany uıat boldy. Apamyzdyń bulaı renjıtindeı jóni bar ma eken dep jelidegi aqparatty qarap shyqtym. Hanbıbi hanymnyń almaǵan marapaty joq eken: «Parasat» pen «Barys» ordenderi, «QR eńbek sińirgen qyzmetkeri» ataǵy – bári bar. Sonda osyndaı jıynda taǵy bir marapat jaıly sóz qozǵaý qanshalyqty qajet edi?, – dep bastady áńgimesin bastady.

Bundaı qaraly jıyndarda ózin kórsetýmen qatar, prezıdentti maqtaıtyndar da jeterlik eken.

“Buǵan deıin de osyndaı kórinister bolǵan. Bir asta sóz alǵan Smaǵul Elýbaı marqum týraly bir jaqsy estelik aıtyp nemese artynda qalǵan urpaǵyna jyly tilek bildirse jarasar edi. Onyń ornyna, biraz ýaqytyn qazirgi prezıdentti madaqtaýǵa arnady. Burynǵy basshyny da dál osylaı dáripteýshi edi. Bul óte jıirkenishti kórinis boldy. Osy jazǵanym aǵa býynǵa jetip jatsa, bir nárseni eskerińizdershi: asta biz sııaqty jastar da otyrady. Jáı ǵana otyrmaı, jaǵasyn ustap, sizder úshin ıspansha uıalyp otyrady, – dedi ol.