«حانيفامەن كەلىسىم»: الماتىلىق ايەلدى ەڭبەك قۇلدىعىنا شەتەلگە اكەتپەك بولدى

فوتو: Richard Mcal

قازاقستان ازاماتشاسىن تاياۋ شىعىسقا زاڭسىز اكەتۋ ارەكەتى اشكەرەلەنىپ, ول ەلگە دەر كەزىندە قايتارىلدى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

الماتى پروكۋراتۋراسىنىڭ, ۇلتتىق قاۋىپسىزدىك قىزمەتى دەپارتامەنتىنىڭ ۇيلەستىرۋىمەن, سونداي-اق ينتەرپولدىڭ جانە قازاقستاننىڭ ومان سۇلتاندىعىنداعى ەلشىلىگىنىڭ جاردەمدەسۋىمەن, قازاقستان رەسپۋبليكاسىنىڭ ازاماتشاسىن شەتەلگە ەڭبەككە پايدالانۋ ءۇشىن زاڭسىز تارتۋ جانە اكەتۋ ارەكەتىنىڭ جولى كەسىلدى.

زارداپ شەگۋشىنىڭ ۇزاق ۋاقىت بويى «حانيفا» اتتى شەتەل ازاماتىمەن بايلانىستا بولعانى انىقتالدى. ول وعان جۇمىسقا ورنالاسۋ ءۇشىن تاياۋ شىعىس ەلدەرىنىڭ بىرىنە كوشۋدى بىرنەشە رەت ۇسىنا وتىرىپ, ءتيىمدى جۇمىس جاعدايلارىن ۋادە ەتكەن.

ايەل جاقىندارىن حاباردار ەتپەستەن, ءوز بەتىنشە شەتەلگە ۇشىپ كەتكەن.

ومان سۇلتاندىعىنىڭ حالىقارالىق اۋەجايىنا كەلگەننەن كەيىن, ول جەدەل ءىس-شارالارىنان كەيىن ۇستالىپ, سول كۇنى وتانىنا قايتارىلدى.

الماتى پروكۋراتۋراسى شەت ەلدەردە جۇمىسقا ورنالاسۋ تۋرالى ۇسىنىستاردى العان كەزدە ازاماتتار الاياقتار مەن ادام ساتۋشىلاردىڭ قۇربانى بولماس ءۇشىن قىراعىلىق تانىتۋى جانە اقپاراتتىڭ دۇرىستىعىن تەكسەرۋى كەرەك ەكەنىن ەسكەرتەدى.

ەسكە سالايىق, بۇعان دەيىن قىتايدا 17 جاستاعى قىز ءوز جىگىتىن 100 مىڭ يۋانعا قۇلدىققا ساتىپ, ءوزى تايلاندقا دەمالۋعا كەتكەنىنجازدىق. 19 جاستاعى جىگىت ءتورت اي بويى ميانماداعى قاتاڭ جاعدايدا جۇمىس ىستەۋگە ءماجبۇر بولعان. سوققىعا جىعىلىپ, اش قالىپ, كۇنىنە 16-20 ساعات ەڭبەك ەتكەن. ونىڭ وتباسى 350 مىڭ يۋان تولەپ, جىگىتتى قۇتقارىپ العان. جابىرلەنۋشى سالماق تاستاپ, دەنساۋلىعىنان ايىرىلعان. قىز قىتايعا ورالعان سوڭ ۇستالىپ, الاياقتىق پەن ادام ساۋداسى ءۇشىن جاۋاپقا تارتىلعان.