«Hanıfamen kelisim»: Almatylyq áıeldi eńbek quldyǵyna shetelge áketpek boldy

Foto: Richard Mcal

Qazaqstan azamatshasyn Taıaý Shyǵysqa zańsyz áketý áreketi áshkerelenip, ol elge der kezinde qaıtaryldy, dep jazdy qandastar.kz

Bul týraly Stan.kz aqparat agenttigi habarlaıdy.

Almaty prokýratýrasynyń, ulttyq qaýipsizdik qyzmeti departamentiniń úılestirýimen, sondaı-aq ınterpoldyń jáne Qazaqstannyń Oman Sultandyǵyndaǵy elshiliginiń járdemdesýimen, Qazaqstan Respýblıkasynyń azamatshasyn shetelge eńbekke paıdalaný úshin zańsyz tartý jáne áketý áreketiniń joly kesildi.

Zardap shegýshiniń uzaq ýaqyt boıy «Hanıfa» atty shetel azamatymen baılanysta bolǵany anyqtaldy. Ol oǵan jumysqa ornalasý úshin Taıaý Shyǵys elderiniń birine kóshýdi birneshe ret usyna otyryp, tıimdi jumys jaǵdaılaryn ýáde etken.

Áıel jaqyndaryn habardar etpesten, óz betinshe shetelge ushyp ketken.

Oman Sultandyǵynyń halyqaralyq áýejaıyna kelgennen keıin, ol jedel is-sharalarynan keıin ustalyp, sol kúni Otanyna qaıtaryldy.

Almaty prokýratýrasy shet elderde jumysqa ornalasý týraly usynystardy alǵan kezde azamattar alaıaqtar men adam satýshylardyń qurbany bolmas úshin qyraǵylyq tanytýy jáne aqparattyń durystyǵyn tekserýi kerek ekenin eskertedi.

Eske salaıyq, buǵan deıin Qytaıda 17 jastaǵy qyz óz jigitin 100 myń ıýanǵa quldyqqa satyp, ózi Taılandqa demalýǵa ketkeninjazdyq. 19 jastaǵy jigit tórt aı boıy Mıanmadaǵy qatań jaǵdaıda jumys isteýge májbúr bolǵan. Soqqyǵa jyǵylyp, ash qalyp, kúnine 16-20 saǵat eńbek etken. Onyń otbasy 350 myń ıýan tólep, jigitti qutqaryp alǵan. Jábirlenýshi salmaq tastap, densaýlyǵynan aıyrylǵan. Qyz Qytaıǵa oralǵan soń ustalyp, alaıaqtyq pen adam saýdasy úshin jaýapqa tartylǵan.