حاسان قاسىمباەۆقا قاتىستى ىستە تاعى ءبىر جابىرلەنۋشى انىقتالدى

بۇعان دەيىن حاسان قاسىمباەۆقا قاتىستى ادام ۇرلاۋ, دەنساۋلىققا قاساقانا اۋىر زيان كەلتىرۋ جانە بوپسالاۋ دەرەكتەرى بويىنشا تەرگەۋ باستالعان بولاتىن.

«ۇرلاۋ جانە دەنساۋلىققا اۋىر زيان كەلتىرۋ ارمانعا قاتىستى, ال بوپسالاۋ باسقا جابىرلەنۋشىگە قاتىستى», — دەدى ادۆوكات الىشەر الىشەۆ.

ول وسىلايشا بۇل ءىس بويىنشا ەكى جابىرلەنۋشى بارىن راستادى.

ادۆوكات الىشەر الىشەۆ حاسان قاسىمباەۆ قازىر ۋاقىتشا ۇستاۋ يزولياتورىندا وتىرعانىن مالىمدەدى. وعان ۇقت قۇرۋ جانە باسشىلىق ەتۋ بويىنشا ايىپ تاعىلماعان.

«تەرگەۋ اياقتالعانىن جانە ءىس ماتەريالدارىمەن تانىسۋ پروتسەسىن كۇتەمىز. تەرگەۋ ءجۇرىپ جاتىر, ناتيجەلەرىن كۇتەمىز», — دەدى ادۆوكات الىشەر الىشەۆ.

حاسان قاسىمباەۆتىڭ ەسىمى تالعارداعى شەرزات بولاتتىڭ ولىمىنە قاتىستى ىستەن كەيىن ءجيى ايتىلا باستادى.

ەسكە سالايىق, بۇعان دەيىن حاسان قاسىمباەۆ 2021 جىلى ەرەجەسىز جەكپە-جەك جاتتىقتىرۋشىسىن ۇرلاپ, سوققىعا جىقتى دەگەن كۇدىككە ىلىنگەنى حابارلاندى.

ءۇش جىل بۇرىن بولعان قىلمىس ۆيدەوعا ءتۇسىپ قالعان. جازبادا جابىرلەنۋشى, ياعني ەرەجەسىز جەكپە-جەك جاتتىقتىرۋشىسى ارمان ءالىموۆ ەكەنى جازىلعان. ونىڭ تۋىستارىنىڭ سوزىنشە, ەر ادام الدىمەن «ۆيكتوريا» شاعىن ماركەتىنىڭ جانىندا سوققى جەپ, ارتىنشا ەس-ءتۇسسىز كۇيدە كەڭدالا اۋىلىنداعى كانال جاقتان تابىلعان. سودان كەيىن ەر ادام اۋىر جاعدايدا اۋرۋحاناعا تۇسكەن.

حاسان قاسىمباەۆ 2024 جىلى 2 قاراشادا ۇستالدى. كەيىن ەكى ايعا قاماۋعا الىندى.