Jańalyqtar
Hasan Qasymbaevqa qatysty iste taǵy bir jábirlenýshi anyqtaldy
Hasan Qasymbaevqa qatysty iste taǵy bir jábirlenýshi paıda boldy, dep jazady qandastar.kz
Bul týraly birinshi jábirlenýshi Arman Álimovtiń advokaty málimdedi.
Buǵan deıin Hasan Qasymbaevqa qatysty adam urlaý, densaýlyqqa qasaqana aýyr zııan keltirý jáne bopsalaý derekteri boıynsha tergeý bastalǵan bolatyn.
«Urlaý jáne densaýlyqqa aýyr zııan keltirý Armanǵa qatysty, al bopsalaý basqa jábirlenýshige qatysty», — dedi advokat Álisher Álishev.
Ol osylaısha bul is boıynsha eki jábirlenýshi baryn rastady.
Advokat Álisher Álishev Hasan Qasymbaev qazir ýaqytsha ustaý ızolıatorynda otyrǵanyn málimdedi. Oǵan UQT qurý jáne basshylyq etý boıynsha aıyp taǵylmaǵan.
«Tergeý aıaqtalǵanyn jáne is materıaldarymen tanysý proesin kútemiz. Tergeý júrip jatyr, nátıjelerin kútemiz», — dedi advokat Álisher Álishev.
Hasan Qasymbaevtyń esimi Talǵardaǵy Sherzat Bolattyń ólimine qatysty isten keıin jıi aıtyla bastady.
Eske salaıyq, buǵan deıin Hasan Qasymbaev 2021 jyly erejesiz jekpe-jek jattyqtyrýshysyn urlap, soqqyǵa jyqty degen kúdikke ilingeni habarlandy.
Úsh jyl buryn bolǵan qylmys vıdeoǵa túsip qalǵan. Jazbada jábirlenýshi, ıaǵnı erejesiz jekpe-jek jattyqtyrýshysy Arman Álimov ekeni jazylǵan. Onyń týystarynyń sózinshe, er adam aldymen «Vıktorııa» shaǵyn marketiniń janynda soqqy jep, artynsha es-tússiz kúıde Keńdala aýylyndaǵy kanal jaqtan tabylǵan. Sodan keıin er adam aýyr jaǵdaıda aýrýhanaǵa túsken.
Hasan Qasymbaev 2024 jyly 2 qarashada ustaldy. Keıin eki aıǵa qamaýǵa alyndy.
