حاسانمەن سۋرەتكە تۇسكەن پودپولكوۆنيكتى جۇرت سىنعا الدى

فوتو: اشىق دەرەككوز

الەۋمەتتىك جەلىلەردە پوليتسيا قىزمەتكەرى دەپ بولجانعان ادام مەن تالعارداعى قىلمىستىق توپ جەتەكشىسى دەپ ايدار تاعىلعان حاساننىڭ بىرگە تۇسكەن سۋرەتى تالقىلانىپ جاتىر, دەپ حابارلايدى qandastar.kz Orda.kz-كە سىلتەمە جاساپ.

بۇل سۋرەتتەردى جەلى قولدانۋشىلارى ەرەكشە تالقىلاپ, قۇقىق قورعاۋ ورگاندارىنىڭ ەتيكالىق نورمالارىن سىنادى.

الماتى وبلىسىنىڭ اكىمدىگى دە جاعدايعا قاتىستى پىكىر ءبىلدىردى. پودپولكوۆنيك ەركەبۇلان قاسەن ۇلى «حاسانمەن» اڭشىلىقتا كەزدەيسوق جولىققانىن ايتتى. ال اكىمنىڭ كەڭەسشىسى عالىمۇرات جۇكەلدىڭ ايتۋىنشا, سۋرەتتەگى قۇقىق قورعاۋشى زەينەتكە شىققان.

الماتى وبلىستىق پوليتسيا دەپارتامەنتىنىڭ ءباسپاسوز قىزمەتى سۋرەتتەگى ادامنىڭ قازىر پوليتسيا قىزمەتكەرى ەمەس ەكەنىن راستادى.

«ول بيىل 21 مامىردا تارتىپتىك نەگىزدە ىشكى ىستەر ورگاندارىنان جۇمىستان شىعارىلدى. سونىمەن قاتار, وبلىستىق دەپارتامەنتتىڭ قاۋىپسىزدىك باسقارماسى جانە كادرلىق قىزمەتى قىزمەتكەرلەردىڭ يميدجىنە زيان كەلتىرەتىن بايلانىستاردى انىقتاۋ جانە بولدىرماۋ بويىنشا تۇراقتى جۇمىس جۇرگىزەدى» دەپ مالىمدەدى ءباسپاسوز قىزمەتى.

ەسكە سالا كەتسەك, Orda.kz شەرزاتتىڭ ءۇيى قاساقاناورتەنگەن ءتۇنى بولعان بار وقيعانى جازعان بولاتىن.

ال ءىىم مالىمدەمەسىندە  «حۋتورلىقتار» جايلى ءسوزدى جوققا شىعارىپ, ەلىمىزدە ەشقانداي قىلمىستىق توپ جوق ەكەنىن ايتتى.

ىشكى ىستەر مينيسترلىگىنىڭ تەرگەۋ ىسىنە قاتىستى وتكىزگەن ءباسپاسوز ءماسليحاتىن مىنا جەردەن وقىڭىز.

بۇل شۋدان سوڭ كۇدىكتى رەتىندە كەيىنىرەك ۇستالعانداردىڭ ءبىرىنىڭ اناسى قازاكەنوۆا لەيلا بەينەۇندەۋ جاساپ, بالاسىنىڭ وقيعا ورنىندا بولماعانىن ايتتى. ونىڭ ايتۋىنشا باق-تا تاراعان 13 ادام دەگەن سوزگە بولا, ادام سانىن تولتىرۋ ءۇشىن ونىڭ بالاسى مەن دوسىن ۇستاپ اكەتتى.

قازىر ەل اراسىندا رەزونانس بولعاننان كەيىن, قارجاۋباي نۇرىموۆ قانداي ءسوز ايتسا دا, ءوز سوزىنە «ميتينگىگە شىقپاۋ» جايلى قوسىپ ايتادى. سوڭعى بەينەجازباسىندا ول باسقا مەملەكەتكە كەتەتىنىن ايتتى.

الەۋمەتتىك جەلىلەردە #شەرزاتۇشىن حەشتەگىمەن سۋرەتتەر تارالىپ جاتىر. قازىردىڭ وزىندە بۇل سۋرەتتى 730 مىڭ ادام سالدى.