Hasanmen sýretke túsken podpolkovnıkti jurt synǵa aldy

Foto: ashyq derekkóz

Áleýmettik jelilerde polıııa qyzmetkeri dep boljanǵan adam men Talǵardaǵy qylmystyq top jetekshisi dep aıdar taǵylǵan Hasannyń birge túsken sýreti talqylanyp jatyr, dep habarlaıdy qandastar.kz Orda.kz-ke silteme jasap.

Bul sýretterdi jeli qoldanýshylary erekshe talqylap, quqyq qorǵaý organdarynyń etıkalyq normalaryn synady.

Almaty oblysynyń ákimdigi de jaǵdaıǵa qatysty pikir bildirdi. Podpolkovnık Erkebulan Qasenuly «Hasanmen» ańshylyqta kezdeısoq jolyqqanyn aıtty. Al ákimniń keńesshisi Ǵalymurat Júkeldiń aıtýynsha, sýrettegi quqyq qorǵaýshy zeınetke shyqqan.

Almaty oblystyq polıııa departamentiniń baspasóz qyzmeti sýrettegi adamnyń qazir polıııa qyzmetkeri emes ekenin rastady.

«Ol bıyl 21 mamyrda tártiptik negizde ishki ister organdarynan jumystan shyǵaryldy. Sonymen qatar, oblystyq departamenttiń qaýipsizdik basqarmasy jáne kadrlyq qyzmeti qyzmetkerlerdiń ımıdjine zııan keltiretin baılanystardy anyqtaý jáne boldyrmaý boıynsha turaqty jumys júrgizedi» dep málimdedi baspasóz qyzmeti.

Eske sala ketsek, Orda.kz Sherzattyń úıi qasaqanaórtengen túni bolǵan bar oqıǵany jazǵan bolatyn.

Al IIM málimdemesinde  «hýtorlyqtar» jaıly sózdi joqqa shyǵaryp, elimizde eshqandaı qylmystyq top joq ekenin aıtty.

Ishki ister mınıstrliginiń tergeý isine qatysty ótkizgen baspasóz máslıhatyn myna jerden oqyńyz.

Bul shýdan soń kúdikti retinde keıinirek ustalǵandardyń biriniń anasy Qazakenova Leıla beıneúndeý jasap, balasynyń oqıǵa ornynda bolmaǵanyn aıtty. Onyń aıtýynsha BAQ-ta taraǵan 13 adam degen sózge bola, adam sanyn toltyrý úshin onyń balasy men dosyn ustap áketti.

Qazir el arasynda rezonans bolǵannan keıin, Qarjaýbaı Nurymov qandaı sóz aıtsa da, óz sózine «mıtıngige shyqpaý» jaıly qosyp aıtady. Sońǵy beınejazbasynda ol basqa memleketke ketetinin aıtty.

Áleýmettik jelilerde #sherzatúshin heshtegimen sýretter taralyp jatyr. Qazirdiń ózinde bul sýretti 730 myń adam saldy.