«حيدجاب كيەتىندەر مەن كيمەيتىندەر سالىق تولەسىن» دەيدى تيكتوكەرلەر

فوتو: اشىق دەرەككوز

تيكتوك الەۋمەتتىك جەلىسىندە حيدجاب ماسەلەسىنە قاتىستى ايتىس-تارتىستىڭ ءتۇرى كۇن وتكەن سايىن تۇرلەنىپ بارادى دەپ جازادى qandastar.kz Democrat.kz-كە سىلتەمە جاساپ.

تومەندەگى ۆيدەودا  تيكتوكەر دانا دەينا: «حيدجاب كيەتىندەر مەملەكەتكە سالىق تولەسىن. ءوزىنىڭ دىنىنە قانشالىقتى ادال, بەرىلگەن ەكەنىن كورەيىك. ەگەر سەن راسىمەن دىنگە سەنەتىن بولساڭ, ءدىنىڭدى شەكسىز سۇيەتىن بولساڭ, سول ءۇشىن اقشا تولەسەڭ, سەن ءوز دىنىڭە دەگەن ادالدىعىڭدى دالەلدەيسىڭ. دىنگە قاتىستى بوس سويلەي بەرۋگە بولادى عوي, ويتكەنى ءسوز تەگىن. ال ەگەر اقشا تولەسەڭ, ول باسقاشا بولادى» دەسە, وعان قارسى جاۋاپ بەرگەن ەكىنشى تيكتوكەر Ulvi Ragimov: «ولاي بولسا, حيدجاب كيمەگەندەر دە مەملەكەتكە سالىق تولەسىن» دەيدى.

الايدا دانا دەينا «حيدجاب كيگەنى ءۇشىن سالىق تولەسىن» دەگەن ۆيدەوسىنا قاتىستى تۇسىنىكتەمە بەرىپ, ول ۆيدەونى الدەكىمدى رەنجىتۋ, ءدىني سەنىمىنە ءتيىسۋ ماقساتىندا تۇسىرمەگەنىن, ءبىر دۇمشەنىڭ ءوزىن قاتتى رەنجىتكەنىن ايتىپ, كەشىرىم سۇرادى.

ءسىز قالاي ويلايسىز? ەگەر ۇستىندەگى كيىمىنە قاتىستى مەملەكەتكە سالىق تولەتسە, قوعامدا الدەبىر وزگەرىس بولار ما ەدى?