«حيدجاب – سەكسۋاليزاتسيالاۋ»: ءدىني كيىمگە قارسى پەتيتسيا اۆتورى جابىق كيىمگە نەگە قارسى?

فوتو:

جاڭا وقۋ جىلى قارساڭىندا مەكتەپتەگى حيدجاب تاقىرىبى قايتا قىزۋ تالقىلانىپ جاتىر. ءبارى تامىز ايىندا جاريالانعان پەتيتسيادان باستالدى. وندا اۆتور مەكتەپ قابىرعاسىندا كەز كەلگەن ءدىني كيىمگە زاڭنامالىق دەڭگەيدە تىيىم سالۋدى ۇسىنعان. نەگىزگى پەتيتسياعا قوسىمشا رەتىندە ول وقۋشى قىزداردىڭ بەلدەمشەسىن ۇزارتۋ كەرەك ەكەنىن ايتىپ, جۇرتتىڭ نارازىلىعىن تۋدىردى. سونىمەن پەتيتسيا نە تۋرالى? قىسقا بەلدەمشە كيۋ تۋرالى ما الدە حيدجابقا قارسى شىعۋ ما? Stan.kz تىلشىسى تاقىرىپتى تارقاتۋ ءۇشىن ءمان-جايدى پەتيتسيا اۆتورىنان سۇرادى.

ءدىنتانۋشى ءال-فارابي بولاتجان پەتيتسيانىڭ ماڭىزىن ءتۇسىندىرىپ ءوتتى. ول مەكتەپتەردەگى ءدىني كيىمگە قاتىستى تىيىمدى تىكەلەي ء«بىلىم تۋرالى» زاڭنىڭ ماتىنىنە ەنگىزگىسى كەلەدى.

«مۇنداي پىكىر بىلدىرۋدەگى جونسىزدىك پەن حاوستى كورە تۇرا, مەن مەكتەپتەردەگى ءدىني كيىمگە قاتىستى تىيىمدى تىكەلەي ء«بىلىم تۋرالى» زاڭنىڭ ماتىنىنە ەنگىزۋدى ۇسىنۋدى شەشتىم. بۇل تىيىمنىڭ زاڭدىلىعىنا قاتىستى ەش داۋ تۋىندامايدى ارى كەيبىر اتا-انالار ءوز بالالارىن مەكتەپ پەن زايىرلى بيلىككە قىسىم جاساۋ قۇرالى رەتىندە قولدانبايدى. سەبەبى ولاردا بۇعان ەشقانداي زاڭدى نەگىز بولمايدى», – دەدى ءال-فارابي بولاتجان.

ونىڭ ايتۋىنشا, ەلىمىز زايىرلى ەكەنى بارىنە ءمالىم. بۇل قاعيدا مەملەكەتتىك ءبىلىم بەرۋ مەكەمەلەرىنە دا قاتىستى ەكەن.

«سايكەسىنشە, ەلىمىزدە مەكتەپ فورماسىنا قاتىستى ءبىلىم جانە عىلىم ءمينيسترىنىڭ (مينيسترلىكتىڭ سول جىلعى اتاۋى – رەد) 2016 جىلعى 14 قاڭتارداعى № 26 بۇيرىعى بار, ول قۇجاتتا مەكتەپتە ءدىني كيىم كيۋگە تىيىم سالىنعانى بەلگىلەنىپ كەتكەن. كەيبىر اتا-انالار جىل سايىن ءوز بالالارىن مەكتەپكە ءدىني كيىمدە قاساقانا جىبەرىپ, مەكتەپ اكىمشىلىكتەرىمەن سوتتاسادى. اتا-انالاردى ارنايى زاڭگەرلەر ايداپ سالادى. ولاردىڭ ارەكەتى – اسىلىندا مەملەكەتتەگى ءدىني جاعدايدى تۇراقسىنداندىرۋ», – دەدى ءدىنتانۋشى.

دەسترۋكتيۆتى ءدىني اعىمداردىڭ وزبىرلىعى مەكتەپتەرىمىزگە كەرى اسەرىن تيگىزىپ جاتىر دەيدى ءال-فارابي بولاتجان.

«وسى سىلتەمەدەن ءوتىپ, پەتيتسياعا ەتسق ارقىلى epetition.kz سايتىنا كىرىپ قول قويۋعا بولادى.  كەلەسى كەزەڭدە 6 ايدا 50 000 قول جيناۋ كەرەك بولادى. نەگىزگى مالىمدەمەگە قوسىمشا رەتىندە كەلەسىنى قوسا كەتسەك. جوعارىدا ايتىلعان اقپاراتتىق مانيپۋلياتسيا مەن بالەقورلىقتاردىڭ قاتارىندا بيلىك ازاماتتاردىڭ ءتاۋىر كيىنگەنىنەن گورى شەشىنگەنىن قالايدى-مىس دەگەن سوزدەر دە بار. بۇرمالاۋلاردىڭ الدىن الۋ ماقساتىندا مىندەتتى مەكتەپ فورماسىنا قويىلاتىن تالاپتارعا جوعارى سىنىپ وقۋشىلارىنىڭ كيىمىنىڭ كەيبىر اسپەكتىلەرىن ناقتىلايتىن تولىقتىرۋلار ەنگىزۋ ۇسىنىلادى», – دەدى ءال-فارابي بولاتجان.

سونىمەن قاتار ول اتا-انالار قىزدارىن حيدجاب كيگىزۋ ارقىلى وتباسىلىق ومىرگە دايىنداپ جاتقانىن ايتتى.

«كامىلەتكە تولماعان قىزدارعا حيدجاب كيگىزۋ – بالالاردى سەكسۋاليزاتسيالاۋ. نەگە دەسەڭىز? سەبەبى حيدجاب كيۋ (ارابشا ء«حايت») ار ەتەككىرى باستالعان قىزعا مىندەتتى دەيدى. مۇنداي قىزدار تۇرمىس قۇرۋعا دايىن قىز دەپ ەسەپتەلەدى. سوندىقتان يەمەن, قاتار جانە يراك سەكىلدى مەملەكەتتەردە قىزداردى 9 جاستان باستاپ تۇرمىسقا بەرۋ قالىپقا اينالعان. اتا-انالار قىزدارىن بۇركەپ, بولاشانىنا بالتا شابا ما دەپ قورقامىن», – دەدى ءدىنتانۋشى.