«Hıdjab – seksýalızaııalaý»: Dinı kıimge qarsy petıııa avtory jabyq kıimge nege qarsy?

Foto:

Jańa oqý jyly qarsańynda mekteptegi hıdjab taqyryby qaıta qyzý talqylanyp jatyr. Bári tamyz aıynda jarııalanǵan petıııadan bastaldy. Onda avtor mektep qabyrǵasynda kez kelgen dinı kıimge zańnamalyq deńgeıde tyıym salýdy usynǵan. Negizgi petıııaǵa qosymsha retinde ol oqýshy qyzdardyń beldemshesin uzartý kerek ekenin aıtyp, jurttyń narazylyǵyn týdyrdy. Sonymen petıııa ne týraly? Qysqa beldemshe kııý týraly ma álde hıdjabqa qarsy shyǵý ma? Stan.kz tilshisi taqyrypty tarqatý úshin mán-jaıdy petıııa avtorynan surady.

Dintanýshy Ál-Farabı Bolatjan petıııanyń mańyzyn túsindirip ótti. Ol mektepterdegi dinı kıimge qatysty tyıymdy tikeleı «Bilim týraly» zańnyń mátinine engizgisi keledi.

«Mundaı pikir bildirýdegi jónsizdik pen haosty kóre tura, men mektepterdegi dinı kıimge qatysty tyıymdy tikeleı «bilim týraly» zańnyń mátinine engizýdi usynýdy sheshtim. Bul tyıymnyń zańdylyǵyna qatysty esh daý týyndamaıdy ári keıbir ata-analar óz balalaryn mektep pen zaıyrly bılikke qysym jasaý quraly retinde qoldanbaıdy. Sebebi olarda buǵan eshqandaı zańdy negiz bolmaıdy», – dedi Ál-Farabı Bolatjan.

Onyń aıtýynsha, elimiz zaıyrly ekeni bárine málim. Bul qaǵıda memlekettik bilim berý mekemelerine da qatysty eken.

«Sáıkesinshe, elimizde mektep formasyna qatysty Bilim jáne ǵylym mınıstriniń (mınıstrliktiń sol jylǵy ataýy – red) 2016 jylǵy 14 qańtardaǵy № 26 buıryǵy bar, ol qujatta mektepte dinı kıim kııýge tyıym salynǵany belgilenip ketken. Keıbir ata-analar jyl saıyn óz balalaryn mektepke dinı kıimde qasaqana jiberip, mektep ákimshilikterimen sottasady. Ata-analardy arnaıy zańgerler aıdap salady. Olardyń áreketi – asylynda memlekettegi dinı jaǵdaıdy turaqsyndandyrý», – dedi dintanýshy.

Destrýktıvti dinı aǵymdardyń ozbyrlyǵy mektepterimizge keri áserin tıgizip jatyr deıdi Ál-Farabı Bolatjan.

«Osy siltemeden ótip, petıııaǵa EQ arqyly epetition.kz saıtyna kirip qol qoıýǵa bolady.  Kelesi kezeńde 6 aıda 50 000 qol jınaý kerek bolady. Negizgi málimdemege qosymsha retinde kelesini qosa ketsek. Joǵaryda aıtylǵan aqparattyq manıpýlıaııa men báleqorlyqtardyń qatarynda bılik azamattardyń táýir kıingeninen góri sheshingenin qalaıdy-mys degen sózder de bar. Burmalaýlardyń aldyn alý maqsatynda mindetti mektep formasyna qoıylatyn talaptarǵa joǵary synyp oqýshylarynyń kıiminiń keıbir aspektilerin naqtylaıtyn tolyqtyrýlar engizý usynylady», – dedi Ál-Farabı Bolatjan.

Sonymen qatar ol ata-analar qyzdaryn hıdjab kıgizý arqyly otbasylyq ómirge daıyndap jatqanyn aıtty.

«Kámiletke tolmaǵan qyzdarǵa hıdjab kıgizý – balalardy seksýalızaııalaý. Nege deseńiz? Sebebi hıdjab kııý (arabsha «háıt») ár etekkiri bastalǵan qyzǵa mindetti deıdi. Mundaı qyzdar turmys qurýǵa daıyn qyz dep esepteledi. Sondyqtan Iemen, Qatar jáne Irak sekildi memleketterde qyzdardy 9 jastan bastap turmysqa berý qalypqa aınalǵan. Ata-analar qyzdaryn búrkep, bolashanyna balta shaba ma dep qorqamyn», – dedi dintanýshy.