Mádenıet
«Hochesh, ýhodı na h*r…»: Ulttyq arna prodıýseri tanymal ánshini jobadan «qýyp jibergen»
Foto: ashyq derekkóz
Tanymal ánshi Aqbota Kerimbekova Qazaqstan ulttyq arnasynyń «Juldyzdy jup» jobasynyń prodıýseri Dınara Adamnan qorlaý sóz estigenin aıtyp, «Qazaqstan» teleradıo korporaııasynyń basqarma tóraıymy Lázzat Tanysbaıǵa úndeý joldady, dep habarlaıdy qandastar.kz Ulysmedia.kz-ke silteme jasap.
Ánshiniń úndeý jasaýyna «Juldyzdy jup» atty jańa jobanyń durys uıymdastyrylmaýy jáne otandyq telearnalardaǵy jobany, tenderdi jeńip alýdyń túrli joldary máselesi sebep bolǵan. Aqordany, tipti Toqaevty belgilegen ánshiniń úndeý mátini tómendegideı:
«Sahnada júrgen ánshilerdi osylaı «poslat» ete berse…»
ÚNDEÝ
Lázzat Tanysbaıǵa jáne tekserýshi organdarǵa
Jaǵdaı bylaı! Búgin «Qazaqstan» ulttyq arnasynyń «Juldyzdy jup» jobasynyń kezekti túsirilimine Almatydan Astanaǵa ushyp keldik. Biraz buryn baǵdarlamany uıymdastyrýshylar maǵan habarlasyp, SAAD meımanhanasyna bólme brondalǵan, sol jaqqa ornalassańyz» dedi. Aıtqandaryn jasap, sonda barsam, «sizge oryn brondalmaǵan» deıdi. Birden jaýapty qyzdarǵa habarlasyp, mán-jaıdy túsindirip, ózimniń qatty aýyryp kelgenimdi, máseleni tezirek sheshýin suradym.
«Basqa jerge aýyssańyz» dedi. Kóship-qonyp júrýge shamamnyń bolmaı turǵanyn aıtyp, sál nazymdy jetkizdim. Bir kezde aty-jóni joq, joba prodıýseri, «áıgili» Dınara Adam habarlasyp, jekip, «ıa ýstala ýje ot vseh etıh kaprızov, vse vashı kaprızy ý menıa vyshe golova stoıat. Hochesh, ýhodı na h*r ız etogo proekta», — deıdi.
Dál osylaı! Qazaqta «qarnymnyń ashqanyna emes, qadirimniń qashqanyna nalımyn» degen sóz bar. Ult ult bolǵaly mańdaıymyzǵa buıyrǵan jalǵyz ulttyq arnamyzdyń mańdaıaldy jobalaryna Alash túgili, adamnyń qadirin bilmeıtin, birde-bir ret qazaqsha oılanyp, oı qorytyp kórmegen bireýler jetekshilik etkesin, kórgen kún osy eken…
Qazir qoǵamda tól arnalarymyzdyń osy tektes mýzykalyq jobalaryna syn kóp. «Turqy joq ánshi, surqy joq sóz, ulty joq án qaptady» dep ókpeleıdi halyq. 30 jylǵa jýyq Qazaqtyń ǵana ánin aıtyp, sahnada júrgen ánshilerdi osylaı «poslat» ete berse, án ónerine qyzmet etýge kimde qulyq bolady deısiz? – dedi ashynǵan ánshi.
«Telearna tenderin utyp alýdyń joldary qandaı?»
Osy oraıda Aqbota Kerimbekova osyndaı aqshaly jobalardy tek osy Dınara Adam utyp alatynyn, bul kúmán týdyrmaı ma degen saýalyn ortaǵa tastady.
Jeke ózime bul joba túk te qyzyq emes, tek, «men bolmasam, kim? О́z avtorlarymnyń týyndylary halyqqa jete bersin. Jasymdy, jolymdy puldap men qatyspasam, meniń ornyma shópti de, shóńgeni de óleń ǵyp júrgen bireý tabylady ǵoı» degen oımen shaqyrýlaryna kelisim bergem. Buǵan deıin bul jobadan, bul prodıýsserlik quramnan bir tıyn gonorar da alyp kórmegem.
О́zge elden keletin «áıdik» ánshilerdeı raıder de qoımaımyz. Qarapaıym kútip alý ádebin saqtasa, meniń bularda nem bar? Sonysymen qoımaı, anadaı sóz aıtady!.. Bul kim sonda?! Sosyn, baıqaımyn, osyndaı aqshaly jobalardy tek osy Dınara Adam utyp alady. Buǵan deıin ne ulttyq arnaǵa, ne ultqa bereri bar jobasy bolmasa da!.. Bul kúmán týdyrmaı ma? Jalpy, telearna jarııalaıtyn tenderdi utyp alýdyń resmı, beıresmı joldary qandaı? Bul jobaǵa qansha bólindi, odan qatysýshylarǵa qalamaqy, durys jatyn oryn qaralmasa, onda, memleket qarjysy qaıda ketip jatyr? – dedi ol.
«О́z úndeýimdi Lázzat Tanysbaıǵa tikeleı joldaǵym keledi»
Qazaqy ánshilerdi «mambet» sanaıtyn, Qazaq rýhanııatyna qosqan tıtimdeı úlesi joq Dınara Adamǵa bar jobany utyp ala beretin kúsh qaıdan, qalaı bitken, osyǵan deıingi atqarǵan jumystarynyń esebi qandaı degen saýaldar da meni oılandyra bastady. Sosyn, eń uly rejısserlerdi daıyndaıtyn Kelndegi ýnıversıtette professor bolǵan Bolat Atabaevtyń týǵan jerinde ulttyq arnanyń bir mýzykalyq jobasyn jasaı alatyn rejısser joqtaı, osy Dınaranyń sheshimimen Reseıden, Ýkraınadan, t.b. shet elden rejısserlerdiń kelip, halyqtyń bálenbaı aqshasyn qaltasyna basyp, bizdiń ónerge jasap júrgen «qyzmetin» qaı deńgeıde baǵalaýǵa bolady degen suraq ta meniń kókeıimde tur. «Sportymyzdy legıonerler quldyratty» dep zar qaqsap jatyrmyz, al teledıdarymyzdy she?.. Osy rette, men, kóp ártistiń «aýzynyń ushynda» júrgen saýaldy, osy óz úndeýimdi Ulttyq arnanyń basqarma tóraıymy Lázzat Tanysbaıǵa tikeleı joldaǵym keledi. Qarjylyq bólinister men onyń oryndy, tıimdi jumsalýy boıynsha tekserýshi organdarǵa da osy únim jetse deımin! Qurmetpen, Aqbota Kerimbekova, — dep jazdy ánshi.
