Hromtaýda kólik ishinde 10 jasar qyz kóz jumdy: oqıǵaǵa qatysty jańa derek shyqty

Foto: Halyq Uni/Dáýren Erbolat

Aqtóbe oblysy Hromtaý aýdany Dón aýylynda kólik ishinde órtenip ketken 10 jastaǵy qyzdyń oqıǵasyna qatysty tyń derek shyqty, dep habarlaıdy Halyq Uni Sputnik Qazaqstan-ǵa silteme jasap.

Kóliktiń órtengeni týraly 101 nomerine 13 saǵat 46 mınýtta habarlama túsken.

О́rt ornyna 13 saǵat 47 mınýtta Hromtaý aýdanynyń №20 órt sóndirý bóliminen 6 adam jáne Hromtaý aýdanynyń tótenshe jaǵdaılar bóliminiń 2 qyzmetkeri attandy. О́rt bolǵan aýyl aýdan ortalyǵynan 6 shaqyrym jerde. О́rt sóndirýshiler 10 mınýtta jetti, – deıdi Hromtaý aýdandyq tótenshe jaǵdaılar bólimi.

Jalyn 20 mınýtta tolyq sóndirilgen.
«О́rt sóndirý barysynda avtokóliktiń ishinen jasóspirimniń jansyz denesi anyqtaldy», – deıdi vedomstvodaǵylar.

Jetkinshek qyz úıdegi úsh balanyń kenjesi.

Kúndelikti kólikke kirip-shyǵyp oınap júrgen bala.

Kóliktiń aqaýy bolmaǵan, kúndelikti minip júrgen kólik. Ata-anasy úıge kirip ketken. Kóliktiń esigi ishten de, syrttan da ońaı ashylady. Kólik órtengende balanyń ishinde bolǵanyn eshkim bilmegen, – deıdi Dón aýylynyń ákimdigi.

Balanyń kólikten ne úshin shyǵa almaı qalǵany qutqarýshylardy da tańqaldyrǵan. О́ıtkeni kólik qulpy jabylyp qalatyndaı emes, deıdi olar.