«Hýtor bandasy» shynymen bar ma: Sherzat Polat isi boıynsha sotta kúdikti jaýap berdi

Vıdeodan skrın

Sherzat Polat isi boıynsha sotta kúdikti «Hýtor bandasy» týraly suraqqa jaýap berdi, dep jazdy qandastar.kz

Bul týraly Stan.kz aqparat agenttigi habarlaıdy.

Sot barysynda advokattardyń biri kúdiktilerden «Hýtor bandasynyń» shynynda bar-joǵyn surady. Bul suraqqa aıyptalýshy Nurbol Toqtaýbaev jaýap berdi.

«Bizdiń aýyl Turar Rysqulov aýdanyna qaraıdy, atamyz sol jerde týyp ósken. Buryn bul jerde kóp orys ultynyń ókilderi turǵan. Sol sebepti aýyldy «Hýtor» dep atap ketken. Keıin qurylys kóp bolǵandyqtan, aýyldy ‘Brıgada’ dep ataı bastady. Men ózimdi eshqashan «hýtorskıı-95″ dep aıtqan emespin», – dedi Nurbol Toqtaýbaev.

Aıta keteıik buǵan deıin marqum Sherzattyń ákesi Qarjaýbaı Nurymov sotta Nurbol Toqtaýbaev ózin «hýtorlyqpyn» dep tanystyrǵanyn málimdegen edi. Alaıda aıyptalýshy Nurbol Toqtaýbaev mundaı málimetti joqqa shyǵaryp, ózin eshqashan «hýtorlyqtar» dep atalatyn toppen baılanystyrmaǵanyn aıtty.

«Men eshqandaı buzaqy emespin, ári ózimdi eshqashan «hýtorlyqpen» dep tanystyrǵan da emespin», – dedi Nurbol Toqtaýbaev sottaǵy jaýap alý kezinde.

Aıta keteıik, Nurbol Toqtaýbaevqa «buzaqylyq» baby boıynsha aıyp taǵylǵan. Aıyptalýshylar qatarynda onyń týǵan baýyry – Azamat Toqtaýbaev ta bar.

Sherzat Polat isi boıynsha búgingi sot otyrysynda kúdikti Nurbol Toqtaýbaevtan jaýap alynyp, ol atalmysh jaǵdaıǵa jábirdenýshilerdiń ózin, ıaǵnı Qarjaýbaı Nurymov pen Nurǵanat Ǵaıypbaevty kinálady. Kúdiktiniń sózinshe, Nurymov olarǵa qaıta-qaıta pyshaq sermep, ózin agressıvti ustaǵan.