Hýtorlyq Hasan Qasymbaevtyń áıeli úndeý jasap, onyń nemen aınalysatynyn aıtty

Talǵarda ajal qushqan Sherzat Bolattyń ólimine qatysty isten keıin esimi BAQ betteri men áleýmettik jelide kóp atalǵan Hasan Qasymbaevtyń áıeli úndeý jasady, – dep habarlaıdy qandastar.kz Dalanews.kz-ke silteme jasap.

Qasymbaevtyń áıeliniń sózinshe, jubaıy kinásiz, ol – eshkimge zııan tıgizbegen adam.

«Ol mal sharýashylyǵymen aınalysady. Kishigirim beton shyǵaratyn zaýyty bar. Kúıeýim týraly aıtylyp jatqan aqparat jalǵan. Bireý aıtty, qalǵandary sony qoldap otyr. Ony shynymen tanıtyn adamdarǵa baryńyzdar, «qandaı adam?» dep surańyzdar! Birge turyp jatqanymyzǵa 15 jyl boldy. Úsh balamyz bar. Oılańyzshy, balalarymyzǵa qandaı psıhologııalyq soqqy tıip jatyr?» – dedi ol.

Aıta keteıik, keshe «hýtorlyq» Hasan ustalǵany belgili boldy.

Keıin polıııa málimdeme jasap, Hasan Qasymbaevtyń ustalýy – Sherzattyń ólimine baılanysty emes ekenin habarlady.

PD málimetinshe, Qasymbaev 2 qarashada ustalyp, ýaqytsha ustaý ızolıatoryna qamaýǵa alynǵan. Ol azamat A.-ny urlap, densaýlyǵyna aýyr zııan keltirdi degen kúdikke ilingen.

Oqıǵa 2021 jyldyń maýsymynda bolǵan.

«Qazirgi ýaqytta qylmystyń barlyq mán-jaıyn jan-jaqty, tolyq jáne obektıvti zertteýdi qamtamasyz etý úshin tergeý áreketteriniń kesheni júrgizilip jatyr. Is materıaldary bultartpaý sharasyn sankııalaý úshin sotqa jiberildi», – dedi buǵan deıin Almaty oblystyq PD ókilderi.