IIM: 5 qalada Web-Cam stýdııa uıymdastyrǵan topqa qatysty tergeý aıaqtaldy

Foto: Polisia.kz

IIM tergeý departamenti transulttyq UQT qurý jáne oǵan qatysý faktisi boıynsha kóp epızodty qylmystyq isti tergeýdi aıaqtady, dep jazdy qandastar.kz

2023 jyldyń tamyz aıynda IIM uıymdasqan qylmysqa qarsy kúres jónindegi bólinisterimen bes iri qalada (Astana, Almaty, Shymkent, Qaraǵandy, Aqtóbe) Qazaqstan men jaqyn shetelderdiń azamattary ustaldy. Olar modeldik agenttiktiń atyn jamylyp, Web-Cam arqyly ıntımdik sıpattaǵy materıaldardy daıyndaýmen jáne taratýmen aınalysqan.

Qylmystyq bızneske 18 jastan 25 jasqa deıingi qazaqstandyq qyzdar tartylǵan.

turkystan.kz  habarlaǵandaı, qylmystyq toptyń aqsha aınalymy úsh mıllıard teńgeden asqandyǵy anyqtaldy.

Qylmystyq is boıynsha 21 adam kúdikti dep tanylǵan. Olardyń múlki tárkilenip, 12 jylǵa deıingi merzimge bas bostandyǵynan aıyrý jazasy taǵaıyndalýy múmkin.

«О́tken jyldyń jeltoqsan aıynda osyǵan uqsas qylmystyq syzbanyń joly kesildi. Shyǵys Qazaqstan oblysy prokýratýrasynyń úılestirýimen aýmaqtyq uıymdasqan qylmysqa qarsy kúres bólinisiniń jedel ýákilderi bir mezgilde elimizdiń 11 óńirinde atalǵan qylmysqa qatysy bar 50-den astam adamdy quryqtap, jetkizdi. Sotqa deıingi tergep-tekserý UQT qurý jáne oǵan qatysý faktisi boıynsha júrgizilýde», – dedi IIM uıymdasqan qylmysqa qarsy kúres departamentiniń ókili