IIM azamattardy saparǵa shyǵýdan bas tartýǵa shaqyrdy

Foto: ashyq derekkóz

QR Ishki ister mınıstrligi jol qozǵalysyna qatysýshylarǵa mańyzdy eskertý jasady, dep habarlaıdy qandastar.kz

– Qurmetti azamattar! Jol qozǵalysynyń qatysýshylary! Aýa raıynyń nasharlaýyna, boran men qarǵa, kóktaıǵaq pen kórinýdiń tómendeýine baılanysty qazirgi ýaqytta 15 oblystyń 43 jol ýchaskesinde avtokólikterdiń qozǵalysyna shekteý engizildi. Respýblıkalyq mańyzy bar alty myńnan astam shaqyrym jolda, ıaǵnı kórsetilgen sanattaǵy joldardyń 25%-ynda shekteýler engizilgen, – dep atap ótti IIM ákimshilik polıııa komıteti basqarma bastyǵynyń orynbasary Aıdyn Orazbaev.

Sondaı-aq IIM azamattardy saparǵa shyǵýdan bas tartýǵa shaqyrdy.

– Osy oraıda biz sizderdi saparǵa shyǵýdan bas tartýǵa shaqyramyz. Jolǵa shyǵyp qoıǵan azamattarǵa jabylǵan jol ýchaskelerine jaqyn ornalasqan eldi mekenderde toqtap, aýa raıynyń jaqsarýyn kútýdi usynamyz. Táýekelge barýdyń qajeti joq! Qozǵalysqa shekteý engizilgen naqty jol ýchaskeleri týraly «QazAvtoJoldyń» resmı Telegram-arnasynda, radıo, teledıdar jáne basqa da buqaralyq aqparat quraldarynda, sondaı-aq 1403 telefon nómiri arqyly bile alasyzdar. Jolda saq bolyńyzdar! – dedi vedomstvo ókili.