جاڭالىقتار
ءىىم بيىل 844 قىلمىسكەردى ۇستادى
فوتو: اشىق دەرەككوز
تمد ەلدەرى مەن الىس شەت مەملەكەتتەر ءۇشىن 844 قىلمىسكەر ۇستالدى
2024 جىلى ىشكى ىستەر مينيسترلىگى قازاقستاننىڭ قۇقىق قورعاۋ ورگاندارىمەن ىزدەستىرىلىپ جۇرگەن 1949 كۇدىكتىنى ۇستادى, دەپ حابارلادى Polisia.kz.ولاردىڭ ىشىندە: ادام ءولتىرۋ بويىنشا – 43; قاراقشىلىق شابۋىل بويىنشا – 22; دەنساۋلىققا اۋىر زيان كەلتىرۋ بويىنشا – 37; زورلاۋ بويىنشا – 6; توناۋ بويىنشا – 68; بوپسالاۋ بويىنشا – 21; ۇرلىق بويىنشا – 484; ەسىرتكى قىلمىسى بويىنشا – 91.
تمد ەلدەرى مەن الىس شەت مەملەكەتتەر ءۇشىن 844 قىلمىسكەر ۇستالدى.
ودان بولەك حابار-وشارسىز كەتكەن 1361 ادامنىڭ مەكەنجايى انىقتالدى.
بۇل باعىتتاعى جۇمىس جالعاسۋدا, — دەپ اتاپ ءوتتى ۆەدومستۆودا.
قاڭتار ايىنىڭ باسىندا شىمكەنتتە جۇرگىزىلگەن جەدەل-ىزدەستىرۋ شارالارى بارىسىندا مەملەكەتارالىق ىزدەۋدە جۇرگەن 52 جاستاعى ەر ادام ۇستالدى. ول وتكەن جىلدىڭ قاراشا ايىندا قارىزىن قايتارماعانى ءۇشىن 54 جاستاعى قالا تۇرعىنىن اتقان.
سەمەيدە پوليتسيا 35 جاستاعى ەر ادامدى قۇرىقتادى. ول 2023 جىلى توپپەن بىرگە الماتىدا قوعامدىق كولىكتەردە قالتا ۇرلىعىمەن اينالىسقان. جەدەل قىزمەتكەرلەر بارلىق كۇدىكتىنى ۇستادى. ولار 42 ۇرلىق ەپيزودىنا قاتىسى بار ايىپتالۋدا.
