ءىىم: قاراعاندى وبلىسىندا قىلمىستىق توپ ۇستالدى

فوتو: Polisia.kz

ءىىم وڭىرلەردە قىلمىستىق توپتاردىڭ زاڭسىز ارەكەتىنىڭ جولىن كەسۋ بويىنشا جۇمىستاردى جالعاستىرىپ كەلەدى, – دەپ حابارلايدى Qandastar.kz Polisia.kz سىلتەمە جاساپ.

قاراعاندى وبلىسىندا بيىل اۋىر قىلمىس جاساۋعا قاتىسى بار التى قىلمىستىق توپ ۇستالدى.

بوپسالاۋدىڭ 40-تان استام فاكتىسى انىقتالىپ, جولى كەسىلدى. 15 قازاندا شاحتينسك قالاسىندا ۇيىمداسقان قىلمىسقا قارسى كۇرەس باسقارماسى جاستار توبىن ۇستادى. ونىڭ قۇرامىنا ارالاس جەكپە-جەك جاتتىقتىرۋشىسى كىرگەن. ولار جەرگىلىكتى تۇرعىنداردى, سونداي-اق «Qarmet» اق قىزمەتكەرلەرىن بوپسالاعان.

بۇعان دەيىن تەمىرتاۋ, ساران, اباي قالالارىندا اۋىر قىلمىستارعا, سونىمەن قاتار «Qarmet» اق وبەكتىلەرىنەن تاۋارلىق-ماتەريالدىق قۇندىلىقتاردى ۇرلاۋعا جانە كاسىپورىن قىزمەتكەرلەرىن بوپسالاۋعا قاتىسى بار باسقا دا قىلمىستىق توپتاردىڭ قاتىسۋشىلارى ۇستالعان بولاتىن.

– وسى فاكتىلەر بويىنشا ىشكى ىستەر ورگاندارىنا بارلىعى 100-دەن استام كۇدىكتى جەتكىزىلدى, ولاردىڭ 39-ى قاماۋعا الىندى. 150-گە جۋىق ءتىنتۋ شارالارى جۇرگىزىلدى. قارۋ-جاراق پەن وق-دارىلەر, سونداي-اق باسقا دا زاتتاي دالەلدەمەلەر تاركىلەندى. اۋىر قىلمىستاردىڭ 16 ەپيزودى بويىنشا ءۇش قىلمىستىق ءىس سوتقا جىبەرىلدى. كريمينالدىق توپتاردىڭ جولىن كەسۋ ناتيجەسىندە وڭىردە 30-دان استام اتىس جانە تراۆماتيكالىق قارۋ, وق-دارىلەر تاركىلەندى. وڭىرلەردە قۇقىقتىق ءتارتىپتى قامتاماسىز ەتۋ بويىنشا جۇمىس جالعاسۋدا, – دەدى ءىىم ۇيىمداسقان قىلمىسقا قارسى كۇرەس دەپارتامەنتى وكىلى قۋاندىق الپىس.