IIM: Qaraǵandy oblysynda qylmystyq top ustaldy

Foto: Polisia.kz

IIM óńirlerde qylmystyq toptardyń zańsyz áreketiniń jolyn kesý boıynsha jumystardy jalǵastyryp keledi, – dep habarlaıdy Qandastar.kz Polisia.kz silteme jasap.

Qaraǵandy oblysynda bıyl aýyr qylmys jasaýǵa qatysy bar alty qylmystyq top ustaldy.

Bopsalaýdyń 40-tan astam faktisi anyqtalyp, joly kesildi. 15 qazanda Shahtınsk qalasynda uıymdasqan qylmysqa qarsy kúres basqarmasy jastar tobyn ustady. Onyń quramyna aralas jekpe-jek jattyqtyrýshysy kirgen. Olar jergilikti turǵyndardy, sondaı-aq «Qarmet» AQ qyzmetkerlerin bopsalaǵan.

Buǵan deıin Temirtaý, Saran, Abaı qalalarynda aýyr qylmystarǵa, sonymen qatar «Qarmet» AQ obektilerinen taýarlyq-materıaldyq qundylyqtardy urlaýǵa jáne kásiporyn qyzmetkerlerin bopsalaýǵa qatysy bar basqa da qylmystyq toptardyń qatysýshylary ustalǵan bolatyn.

– Osy faktiler boıynsha ishki ister organdaryna barlyǵy 100-den astam kúdikti jetkizildi, olardyń 39-y qamaýǵa alyndy. 150-ge jýyq tintý sharalary júrgizildi. Qarý-jaraq pen oq-dáriler, sondaı-aq basqa da zattaı dáleldemeler tárkilendi. Aýyr qylmystardyń 16 epızody boıynsha úsh qylmystyq is sotqa jiberildi. Krımınaldyq toptardyń jolyn kesý nátıjesinde óńirde 30-dan astam atys jáne travmatıkalyq qarý, oq-dáriler tárkilendi. О́ńirlerde quqyqtyq tártipti qamtamasyz etý boıynsha jumys jalǵasýda, – dedi IIM uıymdasqan qylmysqa qarsy kúres departamenti ókili Qýandyq Alpys.